آزادی صحافت کا عالمی دن، صدرِ مملکت اور وزیراعظم کا پیغام

ویب ڈیسک

03rd May, 2024. 09:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آزادی صحافت کا عالمی دن، صدرِ مملکت اور وزیراعظم کا پیغام

آج سچائی کے علمبرداروں کو خراج تحسین پیش کرنے کیلئے صحافت کا عالمی دن منایا جارہا ہے۔

3 مئی وہ تاریخ ہے جسے اقوام متحدہ نے صحافیوں کے نام کیا اس دن کو منانے کا مقصد صحافیوں کے حقوق کا تحفظ اور دنیا کو صحافتی اصولوں سے روشناس کرانا ہے۔

آزادی صحافت کے عالمی دن پر صدر مملکت آصف علی زرداری اور وزیراعظم شہباز شریف نے خصوصی پیغام جاری کیے ہیں۔

صدر آصف زرداری نے کہا کہ میڈیا قومی مفاد مدنظر رکھتے ہوئے ذمہ دارانہ اور درست رپورٹنگ کرے، میڈیا کو جعلی خبروں کے سدباب اور اخلاقی اقدار کے لیے کردار ادا کرنا چاہیے۔

وزیراعظم شہباز شریف نے صحافیوں اور میڈیا ورکرز کو سلام پیش کرتے ہوئے کہاکہ غزہ میں کوریج کے دوران جان قربان کرنے والے صحافی ہیرو ہیں، جبر سے لڑنا اور سچائی سامنے لانا ہی آزادی صحافت کے عالمی دن کا پیغام ہے۔

گزشتہ 3 دہائیاں پاکستانی صحافیوں پر بھاری رہیں، فرائض کی انجام دہی کے دوران 170 صحافی جاں بحق ہوچکے ہیں ، انہی وجوہات کی بنا پر پاکستان صحافت کیلئے خطرناک ترین ممالک کی فہرست میں شامل ہے۔