وزیر اعلیٰ پنجاب کا یو اے ای کی جانب سے 10 ارب ڈالر سرمایہ کاری کا خیر مقدم

ویب ڈیسک

06th Jun, 2024. 02:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ پنجاب کا یو اے ای کی جانب سے 10 ارب ڈالر سرمایہ کاری کا خیر مقدم

وزیراعلیٰ پنجاب مریم نوازشریف نے کہا کہ متحدہ عرب امارات کی جانب سے 10 ارب ڈالر کی سرمایہ کاری کے اعلان خیر مقدم کرتے ہیں۔

وزیراعلیٰ پنجاب مریم نواز اور پاکستان مسلم لیگ نواز کے صدر محمد نواز شریف سے متحدہ عرب امارات کے سفیر حماد عبید ابراہیم سلیم الزابی نے ملاقات کی، باہمی ملاقات میں دوطرفہ تعلقات کے فروغ پر تبادلہ خیال کیا گیا۔

وزیراعلیٰ مریم نواز اور محمد نواز شریف نے ملاقات کے دوران متحدہ عرب امارات کی جانب سے 10 ارب ڈالر کی سرمایہ کاری کے اعلان کو سراہتے ہوئے یو اے ای کا شکریہ ادا کیا۔

ملاقات کے دوران زرعی تحقیق، ٹیکنالوجی اور تجارت سمیت مختلف شعبوں میں تعاون بڑھانے پر گفتگو ہوئی جبکہ زرعی پیداواری صلاحیت بڑھانے اور غذائی تحفظ کے فروغ کیلئے اشتراک کار پر بھی اتفاق ہوا۔

ملاقات میں لائیو اسٹاک ڈویلپمنٹ اور ڈیری فارمنگ کے معاونت کے امکانات کا جائزہ لیا گیا، جبکہ ٹیکسٹائل، فارماسیوٹیکل اور دیگر صنعتی شعبوں میں سرمایہ کاری کو فروغ دینے پر بھی غور ہوا۔

مریم نواز کا کہنا ہے کہ متحدہ عرب امارات کے ساتھ تعلقات باہمی احترام اور اعتماد پر مبنی ہیں، جبکہ پاکستان اورمتحدہ عرب امارات کے تعلقات بھائیوں جیسے ہیں۔

واضح رہے کہ اس ملاقات کے دوران سینئر صوبائی وزیر مریم اورنگزیب بھی موجود تھیں۔