ملک میں کوئی غدار نہیں، سیاسی نقطہ نظر کے حوالے سے اختلاف ہے، علی محمد خان

ویب ڈیسک

03rd Jun, 2024. 11:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں کوئی غدار نہیں، سیاسی نقطہ نظر کے حوالے سے اختلاف ہے، علی محمد خان

اسلام آباد: پاکستان تحریک انصاف (پی ٹی آئی) کے سینئر رہنما علی محمد خان نے کہا ہے کہ ملک میں کوئی غدار نہیں ہے، سیاسی نقطہ نظر کے حوالے سے اختلاف ہے۔

علی محمد خان نے ڈسٹرکٹ اینڈ سیشن کورٹ میں گفتگو کرتے ہوئے کہا کہ بانی پی ٹی آئی نے سیاسی بات کی ہے، کسی ادارے یا اپنی فوج کے خلاف بات نہیں کی۔

انہوں نے کہا کہ بانی پی ٹی آئی نے سیاسی طرز پر کہا کہ جمہوریت میں عوامی مینڈیٹ کو عزت دیں، جس کو ووٹ پڑا ہے اس کو حکومت بنانے دیں، جیسے ماضی میں شیخ مجیب کو ووٹ پڑا تھا تو اس کو عوام نے ووٹ دیا تھا۔

پی ٹی آئی رہنما کا کہنا تھا کہ جنرل یحییٰ کچھ اور بات کر رہا تھا اور بھٹو نے نعرہ لگایا کہ ادھر ہم ادھر تم اور نتیجہ کیا نکلا، ہماری بات اب بھی سیاسی ہے کہ جس کو ووٹ پڑا اس کو حکومت بنانے دیں۔

علی محمد خان نے کہا کہ عوام نے مینڈیٹ بانی پی ٹی آئی کو دیا تھا، فارم 47 پر جب آپ لوگوں کو لے کر آتے ہیں تو عوام ایک طرف کھڑی ہے اور حکومت ایک طرف ہے۔

انہوں نے مزید کہا کہ بانی پی ٹی آئی نے حمود رحمان رپورٹ پڑھنے کا صرف اس لیے کہا کہ پتہ لگے کیوں مینڈیٹ پر ڈاکے پڑتے ہیں، اس ملک میں کوئی غدار نہیں ہے، سیاسی نقطہ نظر کے حوالے سے اختلاف ہے۔