لاہور: گورنر خیبرپختونخوا فیصل کریم کنڈی نے کہا ہے کہ این آراو کے علاوہ کسی بھی مسئلے پر بیٹھنے کو تیار ہیں۔

گورنر کے پی فیصل کریم کنڈی نے گورنر پنجاب سردار سلیم حیدر خان کے ہمراہ پریس کانفرنس کرتے ہوئے کہا کہ ملک اس وقت مشکلات سے گزر رہا ہے، حکومت اور سیاسی لوگوں کا اس کو سنھبالنے میں اہم کردار ہے، ہم تمام سیاسی جماعتوں کو دعوت دیتے ہیں ملک کو بحرانوں سے نکالیں۔

انہوں نے کہا کہ میرے صوبے میں پنجاب سے زیادہ مشکلات ہے، کے پی کے دو طرح کا ہے ایک سوشل میڈیا پر ایک ویسے ہے، سب ادروں کو اپنی حدود میں رہ کر کام کرنا چاہیے۔

فیصل کریم کنڈی نے کہا کہ وزیر اعلیٰ کے پی آئیں اور مذاکرات کریں، این آراو کے علاوہ کسی بھی مسئلے پر بیٹھنے کو تیار ہیں، سیاسی جماعتوں کومل بیٹھ کر مسائل حل کرنے چاہیے۔

گورنر خیبرپختونخوا کا کہنا تھا کہ پیپلزپارٹی کی سی ای سی نے کابینہ کا حصہ نہ بننے کا فیصلہ کیا، مستقبل قریب میں پی پی حکومت کا حصہ بنتے نظر نہیں آرہی۔

انہوں نے کہا کہ چیف الیکشن کمشنر کا تحفہ بانی پی ٹی آئی نے دیا تھا، نشستیں ہارنے پر انہیں چیف الیکشن کمشنر برا لگنے لگا، بتائیں چیف الیکشن کمشنر کس نے لگایا تھا؟

فیصل کریم کنڈی نے کہا کہ آصف زرداری نے صدر منتخب ہونے پر بلوچستان سے معافی مانگی، انہوں نے وفاق کی بنیاد پر بلوچستان سے معافی مانگی۔

گورنر کے پی نے مزید کہا کہ 9 مئی والے حکومتوں میں آئیں گے تو یہ سوالیہ نشان ہوگا، عدالتیں 9 مئی میں ملوث لوگوں کو سزا دیں، 9 مئی والوں کو سزا دیں تاکہ آئندہ کوئی ایسا کرنے کا نہ سوچے۔