پنجاب میں چائلڈ لیبر برداشت نہیں کریں گے، مریم نواز

ویب ڈیسک

12th Jun, 2024. 12:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب میں چائلڈ لیبر برداشت نہیں کریں گے، مریم نواز

لاہور: وزیر اعلیٰ پنجاب مریم نواز شریف نے کہا ہے کہ چائلڈ لیبر انسانی حقوق کی خلاف ورزی ہے، پنجاب میں برداشت نہیں کریں گے۔

وزیر اعلیٰ پنجاب مریم نواز نے چائلڈ لیبر کے خلاف عالمی دن پر اپنے پیغام میں کہا کہ آج بچوں کو استحصال سے بچانے اور ان کے تعلیم کے حق اور مزدوری سے پاک بچپن کو یقینی بنانے کے عہد کی تجدید کا دن ہے۔

انہوں نے کہا کہ معصوم بچوں سے مشقت لینا مجرمانہ فعل ہے، چائلڈ لیبر سماجی ومعاشی مسئلہ ہے۔

وزیر اعلیٰ کا کہنا تھا کہ بچوں کے معصوم ہاتھوں میں اوزار نہیں قلم ہونا چاہیے، چائلڈ لیبر انسانی حقوق کی خلاف ورزی ہے، پنجاب میں برداشت نہیں کریں گے، ہمارے بچے ہمارا مستقبل ہیں، ہم مل کر چائلڈ لیبر فری پنجاب بنا سکتے ہیں۔

مریم نواز نے مزید کہا کہ کسی بھی بچے کو بچپن کی معصومیت سے محروم نہیں کیا جانا چاہیے، بچوں کو مسکراہٹ اور خوابوں سے سجی زندگی دینے کیلئے ہمیں اپنا اپنا کردار ادا کرنا ہوگا۔