وفاقی وزیر اطلاعات عطاءاللہ تارڑ نے قومی سلامتی اور خارجہ پالیسی سے متعلق رپورٹ کے اجراءکی تقریب سے خطاب کرتے ہوئے کہا کہ اپنے ہمسایوں کے ساتھ بہترین تعلقات چاہتے ہیں۔

عطاءاللہ تارڑنے کہا کہ خارجہ پالیسی ہماری اولین ترجیح ہے، جبکہ ہم ایک ذمہ دار نیوکلیئر ملک ہیں، دنیا میں ہماری اہمیت سے انکار نہیں کیا جا سکتا۔

 وفاقی وزیر اطلاعات نے یہ بھی کہا کہ ہم جنگ نہیں امن پر یقین رکھتے ہیں، جبکہ پاکستان 182 ووٹ لے کر اقوام متحدہ کی سلامتی کونسل کا رکن منتخب ہوا ہے۔

عطا تارڑ نے کہا کہ ماضی میں کرکٹ اور ایگریکلچر ڈپلومیسی کا سنا تھا جبکہ خارجہ پالیسی ایسی ہونی چاہئے کہ پاکستان کی آئسولیشن ختم ہو۔

 وفاقی وزیر اطلاعات نے یہ بھی کہا کہ ہمارے ایران کے ساتھ تجارتی تعلقات ہیں، مرحوم ایرانی صدر کا دورہ پاکستان بھی کامیاب رہا، جبکہ ایران اسرائیل کے درمیان کشمکش میں ایرانی صدر پاکستان آئے۔

عطا تارڑ نے کہا کہ جیو پولیٹیکل کی صورتحال میں ہمارا ایک ساتھی ایران بھی رہا، جبکہ ایرانی صدر کے نماز جنازہ میں وزیراعظم شریک ہوئے۔

وفاقی وزیر اطلاعات نے تقریب سے خطاب کرتے ہوئے یہ بھی کہا کہ سعودی اعلیٰ سطحی وفد نے بھی پاکستان کا دورہ کیا۔

عطا تارڑ نے کہا کہ ہماری آبادی کا 68 فیصد حصہ نوجوانوں پر مشتمل ہے، جبکہ ہمیں اپنی ہیومن ریسورس یوتھ سے فائدہ اٹھانا ہوگا، اس کے علاوہ فنی تربیت پر توجہ ہماری ترجیح ہے۔

 وفاقی وزیر اطلاعات نے یہ بھی کہا کہ چین کا حالیہ دورہ نئے عزم کے ساتھ کیا، جبکہ وزیراعظم کے دورہ چین کا مقصد سی پیک کے دوسرے مرحلے کی شروعات تھی۔

عطا تارڑ نے کہ کہا کہ سی پیک میں 64 ملین ڈالر کی انوسٹمنٹ کی بات ہوئی ہے جبکہ پاکستان انفارمیشن ٹیکنالوجی کے شعبے میں بہت بڑی مارکیٹ ہے۔

وفاقی وزیر اطلاعات نے یہ بھی کہا کہ دو لاکھ آئی ٹی کے پروفیشنلز کو ہواوے ہر سال تربیت دے گا، جبکہ دو لاکھ نوجوانوں کی آئی ٹی کے شعبے میں تربیت بڑی کامیابی ہے۔

عطا تارڑ نے کہ کہا کہ ہواوے نے پاکستان میں سیف سٹی کے دو پراجیکٹ لگائے ہیں، اس کے علاوہ ہم سی پیک کے اپ گریڈڈ ورژن کی طرف جا رہے ہیں جبکہ ہماری آئی ٹی برآمدات میں اضافہ ہو رہا ہے۔

وفاقی وزیر اطلاعات نے یہ بھی کہا کہ  بشام واقعہ کی مکمل تحقیقات ہوئیں ہے اس کے علاوہ بشام واقعہ پر چینی انجینئرز اور ورکرز سے بات کی اور انہیں سیکورٹی کی یقین دہانی کرائی ہے۔

عطا تارڑ نے مزید یہ بھی کہا کہ ہماری ترجیح سیکورٹی کے ساتھ ساتھ معاشی سیکورٹی کو یقینی بنانا ہے،  جبکہ گزشتہ دو ماہ کے دوران ہم نے سیکورٹی اور خارجہ پالیسی کے حوالے سے ترجیحی اقدامات اٹھائے ہیں۔