دورہ چین؛ وزیراعظم شہباز شریف کی آج اہم ملاقاتیں شیڈول

ویب ڈیسک

05th Jun, 2024. 10:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

دورہ چین؛ وزیراعظم شہباز شریف کی آج اہم ملاقاتیں شیڈول
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

دورہ چین؛ وزیراعظم شہباز شریف کی آج اہم ملاقاتیں شیڈول

اسلام آباد: وزیراعظم محمد شہباز شریف اپنے 5 روزہ دورہ چین کے پہلے مرحلے میں شینزن میں موجود ہیں جہاں ان کی آج اہم ملاقاتیں شیڈول ہیں۔

وزیراعظم آج پاک چائنہ بزنس فورم میں شرکت کریں گے، سی پیک کے دوسرے مرحلے کے تحت پاکستانی اور چینی کمپنیوں کے مابین مختلف شعبوں میں تعاون و شراکت داری کیلئے فورم ایک اہم سنگ میل ثابت ہوگا۔

وزیراعظم شہباز شریف فورم میں گفتگو بھی کریں گے جسے پاکستان ٹیلی ویژن 11 بجکر 10 منٹ (پاکستان کے معیاری وقت کے مطابق) نشر کرے گا۔

اس کے علاوہ وزیراعظم فورم کے دوران معروف چینی ہائی ٹیک کمپنیوں کے سربراہان سے بھی ملاقات کریں گے۔

بعد ازاں وزیراعظم نانشان ون ونڈو، شینزن میوزیم اور ہواوے کے ہیڈ کوارٹر کا دورہ بھی کریں گے۔

وزیراعظم شہبازشریف کادورہ چین

گزشتہ روز وزیراعظم سے چینی کمیونسٹ پارٹی کے شینزن کےسربراہ کی ملاقات ہوئی، وزیراعظم سے صوبہ گوانگڈونگ کےنائب سربراہ مینگ فین لی کی بھی ملاقات ہوئی۔

مینگ فین لی نے وزیراعظم شہبازشریف کا سینزن آنے پرخیرمقدم کیا۔ وزیراعظم شہبازشریف کوشینزن کے حوالے سے تفصیلی طور پرآگاہ کیا۔

وزیراعظم نے کہا کہ کئی سال بعد شینزن آکرخوشی ہوئی، شینزن حکومت اورعوام کی مہمان نوازی پرمشکورہوں، پاکستان اورچین کی دوستی ہمالیہ سےاونچی اورشہد سےمیٹھی ہے۔