سیکیورٹی فورسز کا ضلع خیبر میں انٹیلیجنس بیسڈ آپریشن؛ 5 دہشت گرد جہنم واصل

ویب ڈیسک

16th Jun, 2024. 11:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکیورٹی فورسز کا ضلع خیبر میں انٹیلیجنس بیسڈ آپریشن؛ 5 دہشت گرد جہنم واصل

آئی ایس پی آر نے کہا ہے کہ سیکیورٹی فورسز نے ضلع خیبر میں انٹیلیجنس بیسڈ آپریشن کیا جس میں 5 دہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق سیکیورٹی فورسز نے ضلع خیبر میں دہشت گردوں کی موجودگی کی اطلاع ملنے پر کارروائی کی۔

آئی ایس پی آر کا کہنا ہے کہ آپریشن کے دوران سیکیورٹی فورسز کی کارروائی میں 5 دہشت گرد جہنم واصل ہوگئے، مارے جانے والے دہشت گردوں سے اسلحہ ، گولہ بارود اور دھماکہ خیز مواد برآمد کرلیا گیا ہے۔

پاک فوج کے ترجمان کا کہنا ہے کہ ہلاک ہونے والے دہشتگرد نہ صرف سیکیورٹی فورسز پر حملوں بلکہ شہریوں کے خلاف بھی کارروائیوں میں ملوث تھے۔

آئی ایس پی آر نے مزید کہا کہ علاقے سے دہشت گردوں کا مکمل خاتمہ یقینی بنانے کے لیے سینیٹائزیشن آپریشن جاری ہے، سیکیورٹی فورسز وطنِ عزیز سے دہشت گردی کی لعنت کے خاتمے کے لیے پُرعزم ہیں۔