بجٹ میں تنخواہ دار طبقے، پینشنرز اور مزدوروں کو ریلیف دیا، وزیرِاعظم

ویب ڈیسک

28th Jun, 2024. 09:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجٹ میں تنخواہ دار طبقے، پینشنرز اور مزدوروں کو ریلیف دیا، وزیرِاعظم

وزیرِاعظم محمد شہباز شریف نے کہا ہے کہ بجٹ میں تنخواہ دار طبقے، پینشنرز اور مزدوروں کو ریلیف دیا ہے۔

وزیرِاعظم سے وزیرِ خزانہ اسحاق ڈار کی قومی اسمبلی میں بجٹ منظوری کے بعد ملاقات ہوئی۔

شہباز شریف نے متعلقہ وزارتوں کے افسران کی بجٹ تیاری کیلئے کوششوں کو سراہا۔

انہوں نے کہا کہ حکومت، اتحادی ارکان اور حزب اختلاف سب نے بھرپور حصہ لیا، بجٹ 25-2024 پاکستان کیلئے ترقی و خوشحالی میں معاون ثابت ہوگا۔

ان کا کہنا تھا کہ پوری کوشش ہے کہ عام آدمی کو زیادہ سے زیادہ ریلیف دیں، بجٹ میں تنخواہ دار طبقے، پینشنرز اور مزدوروں کو ریلیف دیا ہے۔

وزیرِاعظم نے کہا کہ بجٹ میں صحت، تعلیم، زراعت، آئی ٹی شعبے کی ترقی پر توجہ دی، اشرافیہ اور ٹیکس نادہندگان کو ٹیکس نیٹ میں لائیں گے، ممکن نہیں کہ غریب ٹیکس دے اور اشرافیہ کو ٹیکس مراعات دی جائیں۔

محمد شہباز شریف کا کہنا تھا کہ پاکستان کی ترقی و خوشحالی کا سفر شروع ہے، پاکستان کی معیشت درست سمت کی جانب گامزن ہے، کاروبار دوست پالیسیوں کی وجہ سے سرمایہ کاروں کا اعتماد بحال ہوا، ملکی خزانے کو نقصان پہنچانے والے اداروں کی نجکاری کررہے ہیں۔