گندم کی برآمد کے لئے تاجروں کا وزیراعظم کو خط

کفیل احمد

24th Jun, 2024. 12:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گندم کی برآمد کے لئے تاجروں کا وزیراعظم کو خط

تاجروں نے اضافی گندم کی برآمد کے لئے وزیراعظم کو خط لکھ کراجازت طلب کرلی ہے۔

مزمل چیپل چئیر مین سیریل ایسوسی ایشن آف پاکستان کے مطابق اس وقت ملک میں 3.9 ملین ٹن اضافی گندم موجود ہے جبکہ اضافی گندم کی وجہ سے کسانوں کو اچھی قیمت نہیں مل رہی۔

مزمل چیپل نے خط میں مطالبہ کیا کہ حکومت گندم، آٹا اور میدہ کی برآمد کی فوری اجازت دے۔

خط کے متن کے مطابق ڈھائی لاکھ ٹن آٹا، ڈھائی لاکھ ٹن میدہ اور پانچ لاکھ ٹن گندم برآمد کرنے کی گنجائش موجود ہے جبکہ پاکستان اضافی پیداوار سے بین الاقوامی منڈی میں داخل ہو سکتا ہے۔

مزمل چیپل نے خط میں وزیراعظم کو بتایا کہ اضافی گندم کی برآمد کے لیے حکومت سے بات چیت جاری ہے جبکہ اضافی گندم کی برآمد سے کسانوں کو اچھی قیمت ملے گی اور ملک کے لئے زرمبادلہ بھی کمایا جائے گا۔

چئیرمین سیریل ایسوسی ایشن نے خط میں لکھا کہ 32 ملین ٹن ضروت کے مقابلے میں 36 ملین ٹن سے زائد گندم کے ذخائرموجود ہیں اس کےعلاوہ 31.4 ملین ٹن پیدواراور 4.6 ملین ٹن کے کیری فارورڈ اسٹاک ملا کر 36 لاکھ ٹن سے زائد کے ذخائر موجود ہیں جبکہ اضافی ذخائر کو برآمد نہ کیا گیا تو اسٹاک ضائع ہونے کا خدشہ ہے۔

خط کے مطابق اس وقت گندم کے بڑے سپلائیرز کی فصل آنے میں وقت ہے، اس لئے گندم کی برآمد کا اہم وقت ہے، اضافی گندم کی برآمد سے کرنٹ اکاؤنٹ بیلینس بھی بہتر ہو گا۔