فیلڈ اسپتال اور کلینک آن ویلز کا دائرہ کار بڑھا رہے ہیں، مریم نواز

ویب ڈیسک

14th Jun, 2024. 11:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیلڈ اسپتال اور کلینک آن ویلز کا دائرہ کار بڑھا رہے ہیں، مریم نواز

لاہور: وزیراعلیٰ پنجاب مریم نواز شریف نے کہا ہے کہ فیلڈ اسپتال اور کلینک آن ویلز کا دائرہ کار بڑھارہے ہیں۔

وزیراعلیٰ مریم نواز سے مختلف اضلاع سے تعلق رکھنے والے ارکان صوبائی اسمبلی کی ملاقات ہوئی جس میں ارکان اسمبلی نے فیلڈ اسپتال اور کلینک آن ویلز پراجیکٹ کو سراہا۔

ملاقات میں ارکان اسمبلی نے وزیر اعلیٰ مریم نواز کو 100 دنوں میں عوامی فلاح وبہبود کے منصوبوں پر خراج تحسین پیش کیا اور کہا کہ فیلڈ اسپتال اور کلینک آن ویلز پراجیکٹ سے عوام کو دہلیز پر ریلیف مل رہا ہے۔

اس دوران ارکان اسمبلی نے وزیر اعلیٰ مریم نواز شریف کو اپنے حلقوں کے مسائل اور ضروریات سے بھی آگاہ کیا۔

اس موقع پر مریم نواز نے گفتگو کرتے ہوئے کہا کہ فیلڈ اسپتال او رکلینک آن ویلز کا دائرہ کار بڑھا رہے ہیں، شعبہ صحت کے امور کیدن رات مانیٹرنگ کررہی ہوں۔

وزیراعلیٰ نے مزید کہا کہ پنجاب بھر کے بنیادی صحت مراکزکی اپ گریڈیشن تکمیل کے آخری مراحل میں ہے۔

واضح رہے کہ سعود مجید، رکن صوبائی اسمبلی ملک خالد محمود اور عدنان افضل چٹھہ ملاقات کرنے والوں میں شامل تھے جبکہ معاون خصوصی ذیشان ملک بھی اس موقع پر موجود تھے۔