سرکاری ملکیتی اداروں سےمتعلق ترمیمی آرڈیننس جاری

فہد

06th Jun, 2024. 05:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرکاری ملکیتی اداروں سےمتعلق ترمیمی آرڈیننس جاری

صدر مملکت کی منظوری سے سرکاری ملکیتی اداروں سے متعلق ترمیمی آرڈیننس 2024 جاری کر دیا گیا ہے۔

اس آرڈیننس کے تحت سرکاری بجلی کی کمپنیوں کےبورڈز کو تحلیل کرنے کی راہ میں حائل قانونی رکاوٹ ختم کردی گئیں ہیں، اس کے علاوہ وفاقی حکومت نے سرکاری اداروں کےبورڈ ارکان کو ہٹانے کے لیے قانونی پیچدگیاں بھی دور کردی ہیں۔

آرڈیننس کے مطابق وفاقی حکومت کو بورڈز ارکان کو ہٹانے کا اختیار ہوگا جبکہ وفاقی حکومت بورڈ نامینیشن کمیٹی کی سفارش پر بورڈ ارکان کو ہٹاسکے گی۔

آرڈیننس کا اطلاق بجلی کمپنیوں سمیت تمام سرکاری اداروں کے بورڈز پر ہوگا۔ جبکہ صدر مملکت کی منظوری کے بعد وزارت قانون و انصاف نے آرڈیننس کا اطلاق فوری طور پر کردیا ہے۔

آرڈیننس کے مطابق سرکاری اداروں کے بورڈ ارکان کی کارکردگی کوجانچا جائے گا جبکہ بورڈ نامینیشن کمیٹی بورڈ ارکان کی کارکردگی کا جائزہ اور جانچ پڑتال کریں گے۔

آرڈیننس کے مطابق کارکردگی کی بنیاد پروفاقی حکومت کوبورڈ ارکان کو ہٹانے کی سفارش کی جائے گی واضح رہے کہ وفاقی کابینہ نے آرڈیننس جاری کرنے کے لیے سرکولیشن پر سمری کی منظوری دی تھی۔