وزیر مذہبی امور حج انتظامات کا جائزہ لینے سعودی عرب پہنچ گئے

ویب ڈیسک

10th Jun, 2024. 10:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر مذہبی امور حج انتظامات کا جائزہ لینے سعودی عرب پہنچ گئے

ریاض: وزیر مذہبی امور چوہدری سالک حسین حج انتظامات کا جائزہ لینے سعودی عرب پہنچ گئے۔

ترجمان مذہبی امور کے مطابق چوہدری سالک حسین آج مکہ مکرمہ میں منعقدہ حج سمپوزیم میں پاکستان کی نمائندگی کریں گے، سرکاری اسکیم کیلئے پری حج فلائٹ آپریشن کامیابی کے ساتھ آج اختتام پذیر ہوگیا۔

ترجمان نے بتایا کہ اسلام آباد سے آنے والی سعودی ایئرکی پرواز نمبر 3727 کے ذریعے 380 عازمین کرام جدہ ایئر پورٹ لینڈ کر گئے، نجی حج اسکیم کے ذریعے 70 ہزار عازمینِ حج سعودی عرب پہنچ گئے جبکہ اگلے دو روز میں مزید 20 ہزار پرائیویٹ عازمینِ حج سعودی عرب پہنچیں گے۔

وزارت مذہبی امور کے ترجمان کے مطابق سعودی مکاتب کی جانب سے منیٰ اور عرفات میں عازمینِ حج کے 5 روزہ قیام کی تیاریاں مکمل کر لی گئیں، عازمینِ حج کی وادیِ منیٰ کیلئے روانگی کا آغاز 13 اور 14 جون کی درمیانی شب کو ہو گا۔

ترجمان کا مزید کہنا تھا کہ پاکستان حج مشن نے وادیِ منیٰ میں عازمینِ حج کی سہولت کیلئے کیمپ آفس قائم کر دیا، کیمپ آفس میں شعبہ معلومات و رہنمائی، شکایات، امراض و اموات قائم کیے جائیں گے۔

وزیر مذہبی امور چوہدری سالک حسین اور وفاقی سیکرٹری ذوالفقار حیدر حج آپریشن کی براہ راست نگرانی کریں گے۔