پاکستان نیول اکیڈمی کراچی میں 121 ویں مڈشپ مین کی پاسنگ آؤٹ پریڈ کا انعقاد کیا گیا۔

پاسنگ آؤٹ پریڈ کے دوران 70 مڈشپ مین اور 28 ایس ایس سی کیڈٹ فارغ التحصیل ہوئے، جبکہ پاکستان نیوی 29 ویں شارٹ سروس کمیشن کورس کے کیڈٹس بھی پاس آؤٹ ہوئے اس کے علاوہ علاوہ دوست ممالک سے تعلق رکھنے والے کیڈٹس تربیت کی تکمیل کے بعد پاس آؤٹ ہوئے۔

چیف آف دی نیول اسٹاف ایڈمرل نوید اشرف تقریب میں بطورمہمان خصوصی شریک ہوئے، جبکہ کمانڈنٹ پاکستان نیول اکیڈمی کموڈور محمد خالد نے سربراہ پاک بحریہ کا استقبال کیا۔

چیف آف دی نیول اسٹاف ایڈمرل نوید اشرف نے نمایاں کارکردگی کا مظاہرہ کرنے والوں میں انعامات تقسیم کیے جبکہ لیفٹیننٹ نوید احمد مجموعی بہترین کارکردگی پر قائداعظم گولڈ میڈل دیا گیا۔

مڈشپ مین عبداللہ وحید نے اعزازی شمشیر جبکہ مڈشپ مین آفتاب احمد نے اکیڈمی ڈرک حاصل کی، اس کے علاوہ سری لنکا سے تعلق رکھنے والے آفیسر کیڈٹ تمیو تھیناکون کو چیف آف دی نیول اسٹاف گولڈ میڈل دیا گیا۔

تقریب کے دوارن آفیسر کیڈٹ محمد خبیب کو چیئرمین جوائنٹ چیفس آف اسٹاف کمیٹی گولڈ میڈل دیا گیا جبکہ آفیسر کیڈٹ محمد دانش کو کمانڈنٹ گولڈ میڈل سے نوازا گیا۔

 اس کے علاوہ  مڈشپ مین عبداللہ وحید نے اعزازی شمشیر حاصل کی، جبکہ پرافیشنسی بینر فوکسل اسکواڈرن کو عطا کیا گیا۔

چیف آف دی نیول سٹاف ایڈمرل نوید اشرف نے تقریب سے خطاب کرتے ہوئے کہا کہ ٹریننگ مکمل کرنے والے کیڈٹس اور ان کے والدین کو مبارکباد پیش کرتا ہوں، پاکستان نیول اکیڈمی معیاری تربیت فراہم کر رہی ہے۔

ان کا کہنا تھا کہ کیڈٹس جدید ٹرینڈز سے خود کو آراستہ کریں، امید ہے دوست ممالک کے کیڈٹس تعلقات کے فروغ کیلئے کردار ادا کریں گے۔

ایڈمرل نوید اشرف نے مزید کہا کہ پاکستان کو اندرونی اور بیرونی سکیورٹی چیلنجز کا سامنا ہے، مسلح افواج دہشت گردی سے نمٹنے کی بھرپور صلاحیت رکھتی ہے۔