پاکستان کی سفارتی تاریخ کا منفرد لمحہ، اقوام متحدہ میں پاکستان کے ایک نہیں بلکہ دو دو مستقل مندوب تعینات کردیے گئے ہیں۔

سفارتی ذرائع کے مطابق حکومت پاکستان کی مستقل مندوب منیر اکرم کو عہدے سے ہٹائے جانے کے فیصلے پر نظر ثانی جاری ہے، حکومت پاکستان نے مستقل مندوب منیر اکرم کو اقوام متحدہ میں ان کی کارکردگی کی بدولت فی الحال عہدے سے نہ ہٹانے کا فیصلہ کیا ہے۔

ذرائع نے بتایا کہ منیر اکرم اپنی تعیناتی کے دوران پاکستان کو سلامتی کونسل کا غیر مستقل رکن منتخب بنوانے میں بھی کامیاب ہوئے۔

سفارتی ذرائع کا کہنا ہے کہ فرانس میں سفارتی ذمہ داریوں سے سبکدوش ہونے والے سفیر عاصم افتخار کو اقوام متحدہ میں پاکستان کا ایڈیشنل مستقل مندوب مقرر کر دیا گا، اقوام متحدہ میں پاکستان کے موجودہ سفیر منیر اکرم مستقل مندوب جبکہ عاصم افتخار ایڈیشنل مستقل مندوب کے طور پر خدمات انجام دیں گے۔

ذرائع کے مطابق یہ پہلا موقع ہوگا کہ پاکستان کی جانب سے اقوام متحدہ میں دو مستقل مندوب متعین ہیں، مستقل مندوب منیر اکرم آئندہ ایک برس تک اپنی سفارتی ذمہ داریاں ادا کریں گے،

سفارتی ذرائع نے مزید بتایا کہ 22 ستمبر سے شروع ہونے والے اقوام متحدہ کی جنرل اسمبلی کے سالانہ اجلاس میں بھی مستقل مندوب منیر اکرم کا کلیدی کردار ہوگا، تاہم منیر اکرم کی واپسی کے بعد عاصم افتخار بطور مستقل مندوب اپنی ذمہ داریاں ادا کریں گے۔