کراچی میں شدید گرمی میں بجلی کی بدترین لوڈشیڈنگ سے شہری پریشان

ویب ڈیسک

21st Jul, 2024. 12:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں شدید گرمی میں بجلی کی بدترین لوڈشیڈنگ سے شہری پریشان

کراچی: شاہ لطیف ٹاؤن میں پانچ روز سے بجلی بند، شہری اذیت میں مبتلا

شہر قائد میں شدید گرمی اور حبس میں بجلی کی لوڈشیڈنگ سے شہری پریشان ہیں، مختلف شہروں میں بجلی کی اعلانیہ اور غیر اعلانیہ لوڈشیڈنگ کا دورانیہ بھی بڑھ گیا ہے۔

کراچی میں بجلی کی لوڈ شیڈنگ بے قابو ہوگئی، شدید گرمی میں طویل لوڈ شیڈنگ نے عوام کا جینا محال کردیا ہے۔

کراچی کے علاقے لیاقت آباد، ناظم آباد، نیو کراچی، فیڈرل بی ایریا، گارڈن، کورنگی، لانڈھی، پی آئی بی کالونی، پاکستان چوک، حقانی چوک، شارع لیاقت، آئی آئی چندریگر روڈ، محمد بن قاسم روڈ، رنچھوڑ لائن میں 12 سے 14 گھنٹے کی لوڈشیڈنگ کی جارہی ہے۔

شدید گرمی اور بجلی کی غیراعلانیہ بندش نے عوام کی زندگی اجیرن کردی ہے، علاقہ مکینوں کا کہنا ہے کہ کے الیکٹرک شکایت کے باوجود بجلی بحال نہیں کررہی۔

شہریوں کا مزید کہنا ہے کہ گھنٹوں کی لوڈ شیڈنگ کے باوجود، بجلی کے بلوں میں مسلسل اضافہ ہو رہا ہے۔