آستانہ: وزیراعظم محمد شہباز شریف نے کہا ہے کہ ہمارے چیلنجز مشترکہ ہیں، مل کر ترقی و خوشحالی کے لیے کام کرنا ہے۔

وزیراعظم شہباز شریف نے شنگھائی تعاون تنظیم کے اجلاس سے خطاب کرتے ہوئے کہا کہ ایس سی او اجلاس سے خطاب پر خوشی ہے، آستانہ خوبصورت شہر ہے، مہمان نوازی پر مشکور ہوں، اجلاس میں شرکت میرے لیے باعث اعزاز ہے۔

انہوں نے کہا کہ خطے میں امن وسلامتی کے لیےشنگھائی تعاون تنظیم کا کرداراہم ہے، ایس سی او عوام کی سماجی، معاشی ترقی کے لیے کردار اداکررہی ہے، عوام کے لیے جیوپولیٹکل مفادات سے اوپر اٹھ کر دیکھنا ہوگا۔

شہباز شریف نے کہا کہ دنیا کو آج موسمیاتی تبدیلی کے چیلنج کا سامنا ہے، چیلنجز سے نمٹنے کے لیے تمام ممالک کو مل کر چلنا ہوگا، ہمارے چیلنجز مشترکہ ہیں، مل کر ترقی، خوشحالی کے لیے کام کرنا ہے۔

انکا کہنا ہے کہ جغرافیائی، سیاسی محاذ آرائی سے خود کو آزاد کرنا ہوگا، پاکستان محل وقوع کے لحاظ سے تجارت کی اہم گزرگاہ ہے، ایس سی او ممالک کو غربت کے خاتمے کے لیے متحد ہونا پڑے گا اور ہمیں مل کر کام کرنی ہوگی۔

وزیراعظم نے کہاکہ سی پیک کے ذریعے ترقی وخوشحالی کے حصول کی  جانب گامزن ہیں، اقتصادی ترقی کے لیے امن وسلامتی ناگزیر ہے۔

انہوں نے کہا کہ دنیا کو نئی افغان حکومت کی معاشی ضروریات کا خیال رکھنا ہوگا، مسائل کے حل کے لیےافغان عبوری حکومت سے بامعنی بات چیت کرنا ہوگی۔

شہباز شریف نے مزید کہا کہ ایس سی او ترقیاتی منصوبوں کے لیےمتبادل فنڈنگ کا طریقہ کار وضع کرے، ماحولیات کے تحفظ کے لیے ایس سی او کاا قدام لائق تحسین ہے، بیلاروس کو ایس سی او میں شمولیت پر مبارکباد پیش کرتے ہیں۔