بجلی کی قیمت میں 2 روپے 63 پیسے فی یونٹ اضافے کا امکان

ملک سعید اعوان

31st Jul, 2024. 03:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی کی قیمت میں 2 روپے 63 پیسے فی یونٹ اضافے کا امکان

بجلی صارفین پر مزید بوجھ ڈالنے کے لیے بجلی کی قیمت میں 2 روپے 63 پیسے فی یونٹ اضافے کا امکان ہے۔

سی پی پی اے کی درخواست پر آج چئیر مین وسیم مختار کی سربراہی میں نیپرا ہیڈکوارٹر میں سماعت مکمل۔ سی پی پی اے کی جانب سے نظرثانی ترمیمی درخواست نیپرا میں دوبارہ درخواست دائر کی گئی تھی۔ اضافہ ماہ جون کے فیول پرائس ایڈجسٹمنٹ کی مد میں مانگا گیا ہے۔ پہلی درخواست میں 2 روپے 10 پیسے فی یونٹ اضافہ مانگا تھا۔

حکام کے مطابق جون کے ماہ میں 13 ارب یونٹ بجلی فروخت ہوئی، ایف سی اے سے متعلق ریفرنس لاگت سے ایکچوئل لاگت میں فرق رہا، جبکہ ماہ جون کے ایف سی اے میں گزشتہ ایڈجسٹمنٹس بھی شامل ہیں۔

حکام نے بتایا کہ ایک ماہ کیلئے صارفین کی صورت میں 34 ارب سے زائد کا بوجھ پڑے گا، جبکہ جولائی کے ماہ میں 3 روپے 33 پیسے کا ایف سی اے صارفین نے ادا کیا ہے جبکہ جون کے ماہ ایف سی اے کی مد میں صارفین 2 روپے 63 پیسے ادا کریں گے۔

اتھارٹی ایف سی اے پر اعدادوشمار کا جائزہ لے کر فیصلہ جاری کرے گی، من وعن منظوری سے صارفین پر ایک ماہ کیلئے 34 ارب سے زائد کا بوجھ پڑے گا۔