اسد قیصر کا مولانا فضل الرحمان سے رابطہ؛ اسمبلی تحلیل کرنے کے بیان کا معاملہ اٹھادیا

ویب ڈیسک

21st Jul, 2024. 09:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسد قیصر کا مولانا فضل الرحمان سے رابطہ؛ اسمبلی تحلیل کرنے کے بیان کا معاملہ اٹھادیا

پاکستان تحریک انصاف (پی ٹی آئی) کے رہنما اسد قیصر نے جمیعت علما اسلام (ف) کے سربراہ مولانا فضل الرحمان سے ٹیلیفونک رابطہ کر کے خیبرپختونخوا اسمبلی تحلیل کرنے کے بیان کا معاملہ اٹھایا۔

ٹیلیفونک رابطے کے دوران اسد قیصر نے مولانا فضل الرحمان سے کہا کہ ہم نے آپ سے ملاقات میں خیبر پختونخوا اسمبلی تحلیل کرنے کی کوئی بات نہیں کی۔

اسد قیصر نے واضح کرتے ہوئے کہا کہ ملاقات میں ملک میں نئے انتخابات کا مطالبہ کرنے پر بات ہوئی، پی ٹی آئی اور جے یو آئی ملک میں نئے انتخابات پر ایک مؤقف رکھتی ہیں۔

پی ٹی آئی کے رہنما نے مزید کہا کہ دونوں جماعتوں کا خیال ہے کہ بحران سے نکلنے کا حل نئے اور شفاف انتخابات ہیں۔

دوسری جانب چیئرمین پی ٹی آئی بیرسٹر گوہر نے بھی خیبر پختونخوا اسمبلی کی تحلیل سے متعلق بات نہ کرنے کی تصدیق کی ہے اور کہا کہ کسی طرف سے کسی نے مولانا فضل الرحمان سے ایسی کوئی بات نہیں کی۔