ملکی سیاست میں نئی ہلچل، شیخ رشید کا اہم بیان آگیا
عوامی مسلم لیگ کے سربراہ اور سابق وفاقی وزیر شیخ رشید کا اہم بیان سامنے آگیا ہے۔
شیخ رشید نے اپنے جاری کردہ بیان میں کہا ہے کہ سیاسی صورتحال کا فائدہ بانی پی ٹی آئی کو ہو رہا ہے، حکومت جو قدم بھی اٹھاتی ہے، ان کو ہی نقصان پہنچتا ہے، یہ جو بھی فیصلہ کرتے ہیں اس کا بانی پی ٹی آئی کو فائدہ ہوتا ہے۔
انہوں نے کہا کہ الیکشن سے پہلے بانی پی ٹی آئی کو سزائیں سنائی گئیں، پہلے نشان چھینا گیا، پھر بانی پی ٹی آئی پر پابندی لگائی گئی، پھر بھی عوام نے ووٹ دیا، پی ٹی آئی پر پابندی لگانے سے کچھ نہیں ہو گا۔
سابق وفاقی وزیر نے کہا کہ عوام بہت تنگ ہیں، بجلی کا بل زہر قاتل کی طرح لڑ گیا ہے، یہ خود مجبور کر رہے ہیں کہ عوام سڑکوں پر آئیں۔
شیخ رشید نے مزید کہا کہ لال حویلی میرے بھائی کے نام ہے، عدالت نے ہمارے حق میں فیصلہ دیا ہے، سمجھ نہیں آرہی کہ مجھے نوٹس کیوں دیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
