ملکی سیاست میں نئی ہلچل، شیخ رشید کا اہم بیان آگیا

ویب ڈیسک

25th Jul, 2024. 12:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملکی سیاست میں نئی ہلچل، شیخ رشید کا اہم بیان آگیا

عوامی مسلم لیگ کے سربراہ اور سابق وفاقی وزیر شیخ رشید کا اہم بیان سامنے آگیا ہے۔

شیخ رشید نے اپنے جاری کردہ بیان میں کہا ہے کہ سیاسی صورتحال کا فائدہ بانی پی ٹی آئی کو ہو رہا ہے، حکومت جو قدم بھی اٹھاتی ہے، ان کو ہی نقصان پہنچتا ہے، یہ جو بھی فیصلہ کرتے ہیں اس کا بانی پی ٹی آئی کو فائدہ ہوتا ہے۔

انہوں نے کہا کہ الیکشن سے پہلے بانی پی ٹی آئی کو سزائیں سنائی گئیں، پہلے نشان چھینا گیا، پھر بانی پی ٹی آئی پر پابندی لگائی گئی، پھر بھی عوام نے ووٹ دیا، پی ٹی آئی پر پابندی لگانے سے کچھ نہیں ہو گا۔

سابق وفاقی وزیر نے کہا کہ عوام بہت تنگ ہیں، بجلی کا بل زہر قاتل کی طرح لڑ گیا ہے، یہ خود مجبور کر رہے ہیں کہ عوام سڑکوں پر آئیں۔

شیخ رشید نے مزید کہا کہ لال حویلی میرے بھائی کے نام ہے، عدالت نے ہمارے حق میں فیصلہ دیا ہے، سمجھ نہیں آرہی کہ مجھے نوٹس کیوں دیا گیا۔