بیرون ملک پناہ لینے والوں کے پاسپورٹ معطل کرنے کا سرکلر واپس لینے کا فیصلہ

ویب ڈیسک

22nd Jul, 2024. 02:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیرون ملک پناہ لینے والوں کے پاسپورٹ معطل کرنے کا سرکلر واپس لینے کا فیصلہ

اسلام آباد: وفاقی حکومت نے بیرون ملک پناہ لینے والوں کے پاسپورٹ معطل کرنے کا سرکلر واپس لینے کا فیصلہ کیا ہے۔

نائب وزیراعظم اور وزیر خارجہ محمد اسحاق ڈار کی زیر صدارت اہم اجلاس ہوا جس میں اوورسیز پاکستانیوں کی فلاح و بہبود سے متعلق متعدد اہم امور پر غور کیا گیا۔

اجلاس میں وزیر خارجہ کو سیکریٹری داخلہ اور ڈی جی آئی ایم پی اے ایس ایس کی طرف سے بیرون ملک مقیم پاکستانیوں کو بروقت پاسپورٹ کے اجراء کی سہولت کے بارے میں ایک وسیع بریفنگ دی گئی۔

دوران اجلاس بیرون ملک اسائلم کے خواہاں افراد کے لیے پاکستانی پاسپورٹ کا اجراء معطل کرنے والے 5 جون 2024 کے سرکلر کو فوری طور پر واپس لینے کا فیصلہ کیا گیا۔

اس موقع پر نائب وزیر اعظم کو یقین دلایا گیا کہ سمندر پار پاکستانیوں کے پاسپورٹ کا 60 دن کے اندر اجرا کر دیئے جائیں گے۔

واضح رہے کہ اجلاس کے شرکاء میں سیکریٹری خارجہ، سیکریٹری داخلہ، ڈی جی آئی ایم پی اے ایس ایس اور وزارت خارجہ کے سینئر حکام شامل تھے۔