محرم الحرام: کراچی میں مرکزی جلوس کے راستے کنٹینرز لگا کر سیل

ویب ڈیسک

15th Jul, 2024. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محرم الحرام: کراچی میں مرکزی جلوس کے راستے کنٹینرز لگا کر سیل

کراچی: شہر قائد میں 8،9،10 محرم الحرام کے مرکزی جلوسوں کے روٹس کو کنٹینرز لگا کر سیل کردیا گیا ہے۔

کنٹینرز لگا کر بند کیے جانے والے راستوں میں ایم اے جناح روڈ، سولجربازار، صدر، جامع کلاتھ، لائٹ ہاؤس اور کھارادر شامل ہیں۔

کراچی میں آج نکلنے والے 8 محرم الحرام کے مرکزی جلوس کیلئے فول پروف انتظامات کیے جارہے ہیں، ایم اے جناح روڈ کے اطراف کی سڑکوں کو کنٹینرز لگا کر بند کر دیا گیا ہے جبکہ جلوس کی گزرگاہوں پر موجود دکانوں کو بھی سیل کردیا گیا ہے۔

آج 8 محرم کا مرکزی جلوس دن 12 بجے نشتر پارک سے برآمد ہوگا جو مقررہ راستوں سے ہوتا ہوا حسینیہ ایرانیان امام بارگاہ کھارادر پہنچ کر اختتام پذیر ہوگا۔

جلوس کی سیکیورٹی پر5 ہزار سے زائد پولیس اہلکار تعینات ہوں گے اور 1500 سے زائد سندھ رینجرز کے جوان بھی سیکیورٹی کے فرائض سرانجام دیں گے۔

ٹریفک پولیس کے مطابق 8، 9 اور 10 محرم الحرام کے موقع پر ایم اے جناح روڈ ٹریفک کیلئے مکمل بند ہوگا جبکہ سولجربازار، کوریڈورتھری اور شارع فیصل متبادل روٹس کے طور پر استعمال ہوگا۔