اسلام آبادمیں شہریوں کی سیکیورٹی وبال جان بن گئی، نامعلوم ملزمان لاکھوں لوٹ کر فرار

ملک سعید اعوان

09th Jul, 2024. 05:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آبادمیں شہریوں کی سیکیورٹی وبال جان بن گئی، نامعلوم ملزمان لاکھوں لوٹ کر فرار

وفاقی دارالحکومت میں شہریوں کی سیکورٹی وبال جان بن گئی، ۔اسلام آباد بلیو ایریا میں پولیس وردی میں ملبوس نوسرباز ملزمان نے واردات کرتے ہوئے ملک کے بڑے نامور ڈاکٹر اقبال سیف اللہ سے نامعلوم ملزمان 80 لاکھ روپے چھین کر فرار ہوگئے۔

تفصیلات کے مطابق وفاقی دارالحکومت اسلام آباد کے اہم علاقے بلیو ایریا میں ڈکیتی کی انوکھی واردات ہوئی۔ ملزم نے اسلام آباد پولیس کی وردی پہن رکھی تھی، بیچ سڑک ایک معروف ڈاکٹراقبال سیف اللہ کی گاڑی روکی اوراس میں سے بریف کیس اٹھا کر فرار ہو گئے۔

واقعے کی سی سی ٹی وی فوٹج میں واضح واردات کو دیکھا جا سکتا ہے۔ گاڑی روکتے ہی پولیس وردی میں ملبوس ملزم گاڑی کے پاس کر چیکنگ کے بہانے گاڑی کے لاک کھولنے کا کہتا ہے۔ گاڑی کے لاک کھلتے ہی ملزم پیسوں کا بیگ چھین کر فرار ہو جاتا ہے ۔اسلام آباد پولیس کی جانب سے تھانہ کوہسار میں واقع کا مقدمہ درج کر لیا گیا۔

ڈاکٹر اقبال سیف اللہ کا کہنا ہے کہ وفاقی دارالحکومت میں بھی سیکیورٹی ایک مسئلہ بن گیا ہے۔ پولیس کی جانب سے ملزمان کی گرفتاری کے لئے کوئی خاطر خواہ اقدام سامنے نہیں آسکا۔ واقعے کی سی سی ٹی وی فوٹج موجود ہے جس میں سب کچھ واضح ہے۔