مجھے شہر صاف ستھرا اور عوام کی گزرگاہوں پر کسی قسم کی کوئی رکاوٹ منظور نہیں، وزیراعلیٰ سندھ

ویب ڈیسک

18th Jul, 2024. 04:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

مجھے شہر صاف ستھرا اور عوام کی گزرگاہوں پر کسی قسم کی کوئی رکاوٹ منظور نہیں، وزیراعلیٰ سندھ
وزیر اعظم اور صدر مملکت کی بڑی بیٹھک؛ آزاد کشمیر میں ممکنہ سیاسی تبدیلیوں پر اہم گفتگو
اپنی قوت پر اعتماد کریں کوئی تمہارا بال بیکا نہیں کر سکتا، مولانا فضل الرحمن
کراچی، ٹائروں کے گودام میں خوفناک آتشزدگی، 19 گھنٹوں سے ریسکیو آپریشن جاری

Now Reading:

مجھے شہر صاف ستھرا اور عوام کی گزرگاہوں پر کسی قسم کی کوئی رکاوٹ منظور نہیں، وزیراعلیٰ سندھ

وزیراعلیٰ سندھ سید مراد علی شاہ نے شہر سے تجاوزات کے خاتمے سے متعلق فالو اپ اجلاس میں ہدایت دیتے ہوئے کہا کہ مجھے شہر صاف ستھرا اور عوام کی گزرگاہوں پر کسی قسم کی کوئی رکاوٹ منظور نہیں۔

وزیراعلیٰ سندھ نے اجلاس کے دوران کہا کہ میں نے فٹ پاتھ، گرین بیلٹس اور سڑکوں کے ساتھ منسلک تجاوزات ہٹانے کے لیے 2 ہفتوں میں پلان ترتیب دینے کی ہدایت دی تھی، جبکہ گذشتہ اجلاس کو ایک ہفتہ مکمل ہوچکا ہے، مجھے حکمت عملی سے آگاہ کریں تاکہ کام شروع کیاجاسکے۔

اس موقع پر ڈی جی ایس بی سی اے نے وزیراعلیٰ سندھ کو بتایا کہ اُن کے افسران کمرشل پلازوں کا دورہ کرچکے ہیں، جن عمارتوں کی پارکنگ کی جگہ گودام بن چکے ہیں، ایس بی سی اے کے افسران اُن کو ڈاکیومنٹ کریں گے۔

مراد علی شاہ نے کہا کہ گرین بیلٹس اور فٹ پاتھوں پر تجاوزات کی لسٹ بنانے کے لیے اسسٹنٹ کمشنر کام کررہے ہیں، جبکہ پارکنگ ایریاز باقاعدگی سے نامزد کیے جائیں، روڈ پر پارکنگ کی بالکل بھی اجازت نہیں ہوگی۔