فلور ملز ایسوسی ایشنز کی ہڑتال؛ ملک بھر میں فلور ملز غیر معینہ مدت کیلئے بند

کفیل احمد

11th Jul, 2024. 10:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فلور ملز ایسوسی ایشنز کی ہڑتال؛ ملک بھر میں فلور ملز غیر معینہ مدت کیلئے بند

پاکستان فلورملز ایسوسی ایشنز نے ود ہولڈنگ ٹیکس کے خلاف ملک بھر میں ہڑتال کا آغاز کرتے ہوئے فلور ملز غیر معینہ مدت کیلئے بند کی دی ہیں۔

پاکستان فلور ملز ایسوسی ایشنز کے چیئرمین چوہدری عامر عبداللہ نے دو روز قبل چوہدری محمد یوسف ودیگر عہدیداروں کے ہمراہ کراچی میں پریس کانفرنس کرتے ہوئے ہڑتال کا اعلان کیا تھا۔

چیئرمین فلور ملز ایسوسی ایشنز عامر عبداللہ کا کہنا ہےکہ آج سے ملک بھر میں فلور ملز نے گندم کی پسائی کا کام بند کردیا ہے، اور آج سے ہم نے غیر معینہ مدت کے لیے ہڑتال شروع کر دی ہے۔

عامر عبداللہ نے کہا کہ آج سے کراچی سمیت ملک بھرمیں فلور ملز نے آٹے کی سپلائی بند کردی ہے، جبکہ ہڑتال سے بھینس کالونیوں اور جانورون کے چوکر کی سپلائی بھی بری طرح متاثر ہوگی۔

چیئرمین فلور ملز ایسوسی ایشنز نے یہ بھی کہا کہ ایف بی آڑ کے ٹیکس کے نفاذ سے آٹا 8 سے 10 روپے فی کلو مہنگا ہوگا، اور فلور ملوں کی پسائی اس وقت تک نہیں شروع کریں گے جب تک مطالبات تسلیم نہیں کر لیے جاتے۔

عامر عبداللہ نے کہا کہ فلور ملرز ود ہولڈنگ ایجنٹ نہیں بن سکتے، جبکہ ٹیکس جمع کرنا حکومت کا کام ہے ہمارا نہیں، ہم ٹیکس کی ادائیگی پہلے بھی کررہے ہیں مزید دے سکتے ہیں طریقہ کار پر اعتراض ہے۔