بجٹ پر قومی اسمبلی میں بحث کہاں تک پہنچی؟ فافن کی رپورٹ جاری

ویب ڈیسک

09th Jul, 2024. 09:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجٹ پر قومی اسمبلی میں بحث کہاں تک پہنچی؟ فافن کی رپورٹ جاری

اسلام آباد: فری اینڈ فیئر الیکشن نیٹ ورک (فافن) نے بجٹ پر قومی اسمبلی میں بحث سے متعلق رپورٹ جاری کردی ہے۔

رپورٹ کے مطابق بجٹ اجلاس میں 179 قانون سازوں نے تجاویز پر بحث میں حصہ لیا جبکہ اپوزیشن کے قانون سازوں نے بحث کیلئے 52 فیصد حصہ لیا۔

فافن کی رپورٹ میں بتایا گیا کہ بجٹ پیش کرنے اور ایوان سے منظوری سمیت تقریباً 48 گھنٹے کارروائی ہوئی، پی پی 40، ن لیگ 37 اور متحدہ کے 18 ارکان نے بجٹ پر بحث کی جبکہ جے یو آئی 5 اور 5 آزاد ارکان نے بھی بجٹ بحث میں حصہ لیا۔

رپورٹ کے مطابق قانون سازون نے تقریروں میں بجٹ تجاویز پر تنقیدی خیالات کا اظہار کیا، تنقید حکومتی اور اپوزیشن بینچوں دونوں اطراف سے کی گئی۔

اس کے علاوہ وزیر خزانہ کی بجٹ تقریر کل بجٹ کی کارروائی کے 2 فیصد پر محیط تھی جبکہ اپوزیشن کے قانون سازوں نے 4 22 کٹوتی تحریکیں پیش کیں اور اپوزیشن کی تمام کٹوتی کی تحریکیں ناکام ہوگئیں۔

رپورٹ میں مزید کہا گیا کہ اضافی گرانٹس 23-2022 اور 24-2023 بغیر کسی بحث کی منظوری کی گئیں، ایوان نے مقررہ قانون سازی کا طریقہ کار معطل کر کے 5 سرکاری بل منظور کیے جبکہ بجٹ سیشن میں 3 قراردادیں بھی منظور کی گئیں۔