ایم کیو ایم کا یکم اگست سے قومی شجرکاری مہم شروع کرنے کا اعلان

ویب ڈیسک

25th Jul, 2024. 01:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایم کیو ایم کا یکم اگست سے قومی شجرکاری مہم شروع کرنے کا اعلان

کراچی: متحدہ قومی موومنٹ پاکستان (ایم کیو ایم) نے یکم اگست سے قومی شجرکاری مہم شروع کرنے کا اعلان کردیا ہے۔

ایم کیوایم کے رہنما مصطفیٰ کمال نے کراچی میں دیگر رہنماؤں کے ساتھ نیوز کانفرنس کرتے ہوئے کہا کہ یکم اگست سے قومی شجرکاری مہم شروع کرنے جارہے ہیں، انسان نے ماحول کو خراب کردیا، کراچی کنٹکریٹ کا جنگل بن گیا۔

انہوں نے کہا کہ شجرکاری مہم کا آغاز کراچی سے ہوگا، مہم کے دوران لاکھوں پودے لگائے جائیں گے، ہر انسان کو کم سے کم آٹھ درخت لگانے چاہیں۔

رہنما ایم کیوایم نے کہا کہ پاکستان کی قسمت کے فیصلے نوجوانوں نے کرنے ہیں، نوجوانوں کو معاشرے کا ذمہ دار فرد نہ بنایا تو یہ خطرناک ہوگا، ریاست اپنی ذمہ داری ادا نہیں کر پارہی۔

مصطفیٰ کمال نے مزید کہا کہ ایم کیوایم پاکستان نے ریسرچ کی بنیاد پر پلان تیار کیا ہے، 28 جولائی کو ایکسپو سینٹر میں یوتھ کنونشن ہوگا، یوتھ کنونشن میں نوجوانوں کو تمام چیزوں کا جواب ملے گا۔