جماعت اسلامی کا دھرنا؛ مذاکرات کی کامیابی تک احتجاج جاری رکھنے کا اعلان

ویب ڈیسک

30th Jul, 2024. 10:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جماعت اسلامی کا دھرنا؛ مذاکرات کی کامیابی تک احتجاج جاری رکھنے کا اعلان

راولپنڈی کے لیاقت باغ میں مہنگائی، بجلی کی قیمت اور آئی پی پیز کے معاہدوں کے خلاف جماعت اسلامی کا دھرنا آج پانچویں روز بھی جاری ہے۔

امیر جماعت اسلامی حافظ نعیم الرحمان آج بھی پنڈال میں پہنچ گئے ہیں، کارکنان بھی مطالبات پورے ہونے تک امیر جماعت اسلامی کا ساتھ دینے کو تیار ہیں۔

امیر جماعت اسلامی حافظ نعیم الرحمان نے کہا ہے کہ مطالبات کی منظوری تک دھرنا جاری رہے گا۔

واضح رہے کہ حکومت اور جماعت اسلامی میں کل مذاکرات کا دوسرا دور نہ ہوسکا، جماعت اسلامی نے دس مطالبات کمیٹی کے سامنے رکھے تھے۔

امیر جماعت اسلامی نے ملک بھر میں دھرنے شروع کرنے کا اعلان کرتے ہوئے کہا کہ گورنر ہاؤس کراچی کے باہر سے دھرنا شروع کریں گے، پہلے مرحلے میں کراچی پھر لاہور اور پھر ملتان میں دھرنا ہوگا۔

حافظ نعیم الرحمان نے مزید کہا کہ حکومت کو دو روز کا وقت دے رہے ہیں، اپنے مطالبات منوا کر ہی جائیں گے، تین اگست کو فلسطین اور پانچ کو یوم یکجہتی کشمیر منائیں گے۔