اسماعیل ہانیہ کے قتل کی مذمتی قرارداد قومی اسمبلی میں جمع

ملک سعید اعوان

01st Aug, 2024. 03:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسماعیل ہانیہ کے قتل کی مذمتی قرارداد قومی اسمبلی میں جمع

اسلام آباد: حماس کے سربراہ اسماعیل ہانیہ کے قتل کی مذمتی قرارداد قومی اسمبلی میں جمع کرا دی گئی ہے۔

ممبر قومی اسمبلی سحر کامران نے اسماعیل ہانیہ کے قتل کی مذمتی قرارداد قومی اسمبلی سیکریٹریٹ میں جمع کرائی۔

قومی اسمبلی میں جمع کرائی گئی قرارداد کے مطابق فلسطینی حماس لیڈر اسماعیل ہنیہ کا قتل اسرائیلی جارحیت کو فروغ دینے کا اشارہ ہے، پاکستان نے ہمیشہ دہشتگردی کے خلاف آواز اٹھائی ہے۔

سحر کامران نے قرارداد میں کہا کہ فلسطینی مسلمانوں کے ساتھ اظہار یکجہتی اور ہمدردی کا پیغام دیتی ہوں، اسماعیل ہنیہ کے اہل خانہ کے ساتھ اظہار تعزیت کرتے ہیں۔

قرار داد میں کہا گیا کہ بلاشبہ اسماعیل ہنیہ کی شہادت فلسطینی مسلمانوں کا بڑا نقصان ہے، قومی اسمبلی حماس کے سیاسی بیورو کے سربراہ اسماعیل ہنیہ کے قتل کی مذمت کرتی ہے۔

قرارداد میں سحرکامران نے مزید کہا کہ ہم خطے میں بڑھتے ہوئے اسرائیلی مہم جوئی پر شدید تشویش کا اظہار کرتے ہیں، خطے میں امن بحال رکھنے کیلئے عالمی برادری عملی اقدامات کرے۔

واضح رہے کہ گزشتہ روز حماس کے سربراہ اسماعیل ہانیہ ایران میں قاتلانہ حملے میں شہید ہوگئے تھے۔