مون سون بارشیں؛ وزیراعظم کی متعلقہ اداروں کو الرٹ رہنے کی ہدایت

ویب ڈیسک

16th Aug, 2024. 11:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مون سون بارشیں؛ وزیراعظم کی متعلقہ اداروں کو الرٹ رہنے کی ہدایت

اسلام آباد: وزیر اعظم شہباز شریف نے این ڈی ایم اے اور دیگر متعلقہ اداروں کو مزید مون سون بارشوں اور دریائے چناب کے ملحقہ علاقوں میں ممکنہ سیلاب سے نمٹنے کے لیے ہائی الرٹ رہنے کی ہدایت کی ہے۔

وزیر اعظم نے اپنے جاری کردہ بیان میں کہا ہے کہ میں خود مون سون کے متوقع شدید اسپیل کے ڈیش بورڈ کی نگرانی کر رہا ہوں۔

انہوں نے کہا کہ این ڈی ایم اے، پی ڈی ایم اے، سول ڈیفنس اور ضلعی انتظامیہ کو دریائے چناب کے زیر قبضہ علاقوں اور بارشوں کے باعث سیلاب کے خطرے سے دوچار شہروں میں لوگوں کی حفاظت کے لیے ہمہ وقت تیار رہنا چاہیے۔

وزیر اعظم کی جانب سے انخلاء اور امداد، نکاسی آب، ادویات، خیموں اور دیگر امدادی اشیاء کی تیاری کو یقینی بنانے کی بھی ہدایت کی گئی ہے۔

شہباز شریف نے مزید کہا کہ ممکنہ سیلاب زدہ علاقوں میں کسی بھی متوقع صورتحال سے متعلق آگاہی کو یقینی بنایا جائے۔