ایف بی آر رواں مالی سال کے دو ماہ کا ٹیکس ہدف حاصل کرنے میں ناکام

عمر حیات خان

31st Aug, 2024. 11:20 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف بی آر رواں مالی سال کے دو ماہ کا ٹیکس ہدف حاصل کرنے میں ناکام

فیڈرل بورڈ آف ریونیو(ایف بی آر) رواں مالی سال کے دو ماہ کا ٹیکس ہدف حاصل کرنے میں ناکام ہوگیا ہے۔

ذرائع کے مطابق ٹیکس شارٹ فال کو پورا کرنے کیلئے منی بجٹ لائے جانے کا امکان ہے، ایف بی آر کا کہنا ہے کہ انہیں مجموعی طور پر دو ماہ میں 109 ارب روپے کے ٹیکس شارٹ فال کا سامنا ہے۔

عبوری اعدادوشمار کے مطابق ایف بی آر نے اب تک 1445 ارب روپے ٹیکس اکھٹا کیا ہے، جبکہ اسے دو ماہ میں 1554 ارب روپے کا ٹیکس اکھٹا کرنا تھا۔

ذرائع کا کہنا ہے کہ ایف بی آر نے ماہ جولائی کا 660 ارب روپے کا ٹیکس ہدف حاصل کیا تھا، تاہم ماہ اگست کا 894 ارب روپے کا ٹیکس ہدف حاصل نہ کرسکا، ٹیکس اہداف کے حصول کیلئے منی بجٹ کے ذریعے مزید ٹیکس لگائے جانے کا امکان ہے۔

ذرائع کے مطابق حکومت نے 1800 ارب روپے کے نئے ٹیکس رواں مالی سال کے بجٹ میں عائد کئے تھے، جبکہ رواں مالی سال کا ٹیکس ہدف 12 ہزار 970 ارب روپے رکھا گیا ہے۔