فیض حمید کا کے پی میں دہشت گرد لانے میں اہم کردار تھا، فیصل کریم کنڈی

ویب ڈیسک

20th Aug, 2024. 04:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیض حمید کا کے پی میں دہشت گرد لانے میں اہم کردار تھا، فیصل کریم کنڈی

فیصل کریم کنڈی نے کہا کہ فیض حمید کو ان کے اپنے ادارے نے گرفتارکیا ہے، فیض حمید کا کے پی میں دہشت گرد لانے میں اہم کردارتھا۔

بھٹ شاہ میں حضرت شاہ عبداللطیف بھٹائی کے 281 ویں تین روزہ عرس کے موقع پرگورنرخیبرپختونخوا فیصل کریم کنڈی نے میڈیا سے گفتگو کرتے ہوئے کہا کہ خطے میں امن ہوگا توخوشحالی ہوگی، ایک زمانے میں کے پی میں بہت زیادہ بدحالی تھی۔

گورنرکے پی نے کہا کہ فیض حمید کو ان کے اپنے ادارے نے گرفتارکیا ہے، فیض حمید کا کے پی میں دہشت گرد لانے میں اہم کردارتھا، اب ہم کس کا گلا پکڑیں گے، یہ ملک کس نے چلانا ہے وہ فیصلہ کرلیاجائے۔

فیصل کریم کنڈی نے کہا کہ مولانا فضل الرحمان الیکشن ہارتے خیبرسے ہیں، احتجاج سندھ میں کرتے ہیں، ایسا نہیں ہوگا ملک کوئی اورچلائے، گالیاں ہم کھائیں۔

گورنرخیبرپختونخوا نے کہا کہ پاکستان کے 3 صوبوں پرالیکشن حرام ہیں، ایک صوبے پرحلال ہیں، خیبرپختونخوامیں تاریخی کرپشن ہورہی ہے، کے پی میں ہرعہدے کی ریٹ لسٹ لگی ہوئی ہے، کون ذمے دار ہے۔

فیصل کریم کنڈی نے مزید کہا کہ وزیراعلیٰ کے پی اعتماد کھوچکے ہیں، وہ اعتماد کا ووٹ دیں، وزیراعلیٰ خیبر پختون خواعوام میں توجا کردکھائیں۔