پی ٹی اے کی وزارت آئی ٹی کو وی پی این پالیسی کو جلد حتمی شکل دینے کی سفارش

ملک سعید اعوان

23rd Aug, 2024. 12:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی اے کی وزارت آئی ٹی کو وی پی این پالیسی کو جلد حتمی شکل دینے کی سفارش

پاکستان ٹیلی کمیونیکیشن اتھارٹی(پی ٹی اے) نے وزارت آئی ٹی کووی پی این پالیسی کوجلد حتمی شکل دینےکی سفارش کردی۔

پی ٹی اے ذرائع کے مطابق پی ٹی اے نے وزارت آئی ٹی کو موقف پیش کیا ہے کہ ورچوئل پرائیویٹ نیٹ ورک(وی پی این) کو بند نہیں بلکہ رجسٹرڈ کرنا چاہتےہیں۔

ذرائع کا کہنا ہے کہ پاکستان میں لاکھوں فری لانسرزاورآئی ٹی کمپنیز وی پی این استعمال کرتی ہیں۔ ٹیلی کام صارفین میں وی پی این کے استعمال میں تیزی سے اضافہ ہورہا ہے ۔

پی ٹی اے کی جانب سے سفارش میں کہا گیا کہ غیررجسٹرڈ وی پی این کی حوصلہ شکنی کیلئےرجسٹریشن ضروری ہے۔پی ٹی اےکی بنائی گئی وی پی این پالیسی عرصےسےوزارت آئی ٹی میں پڑی ہے۔پی ٹی اے وزارت آئی ٹی کی طرف سے وی پی این پالیسی پرحتمی فیصلہ کی منتظر ہے ۔

ذرائع کا کہنا ہے کہ وی پی این پالیسی کو جلد منظور کیا جانا ناگزیر ہے ۔ وی پی این رجسٹرڈ کیے جانے سے صارفین کو نقصان نہیں فائدہ ہوگا ۔ رجسٹرڈ وی پی این کے استعمال سے صارفین کا پرسنل ڈیٹا محفوظ رہے گا ۔

ذرائع کا مزید کہنا ہے کہ پی ٹی اے سے رجسٹرڈ شدہ وی پی این کے استعمال پر فائروال اثرانداز نہیں ہوگی۔