9 مئی کرنے اور کرانے والا گینگ آہستہ آہستہ ایکسپوز ہورہا ہے، عظمیٰ بخاری

ویب ڈیسک

16th Aug, 2024. 11:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

9 مئی کرنے اور کرانے والا گینگ آہستہ آہستہ ایکسپوز ہورہا ہے، عظمیٰ بخاری

تحریک انصاف کے ڈی این اے میں پاکستان مخالف جراثیم دوڑتے ہیں، عظمیٰ بخاری

لاہور: وزیر اطلاعات پنجاب عظمیٰ بخاری نے کہا ہے کہ نو مئی کرنے والوں اور کرانے والوں کا گینگ آہستہ آہستہ ایکسپوز ہو رہا ہے۔

صوبائی وزیر عظمیٰ بخاری نے اپنے جاری کردہ بیان میں کہا کہ فوجی تنصیبات پر حملے کرنے والے اور کروانے والے ایک ہی گینگ کے پارٹنر ہیں، اب اس میں کوئی چیز پوشیدہ نہیں رہی نو مئی کا ماسٹر مائنڈ کون ہے اور اسکے سہولت کار کون تھے۔

انہوں نے کہا کہ بانی پی ٹی آئی کے اب نقاب اترنا شروع ہوگئے ہیں، محسن کشوں اور احسان فراموشوں کی ہر ریس میں بانی پی ٹی آئی اول نمبر پر آئے ہیں۔

وزیر اطلاعات کا کہنا تھا کہ فوج میں خود احتسابی کا عمل خوش آئند ہے، پاکستان کے عوام پاک فوج کے سپہ سالار کے اس اقدام کو سراہتے ہیں، باقی بھی جن جگہوں پر نو مئی کے ماسٹر مائنڈ کے سہولت کار ہیں ان اداروں کو خود احتسابی کا عمل شروع کرنا پڑے گا، جب تک نو مئی کے ایک ایک کردار اور سہولت کار کو کٹہرے میں کھڑا نہیں کیا جاتا ملک آگے نہیں بڑھ سکتا۔

عظمیٰ بخاری نے مزید کہا کہ پاکستان کے عوام اس بات کا شدت سے انتظار کر رہے ہیں کہ شہداء کا تمسخر اڑانے والے کب کٹہرے میں لائے جاتے، شہداء کی مائیں بہنیں اور بیٹیاں سوا سال بعد بھی ہمارے نظام عدل کی طرف دیکھ رہی ہیں۔