کراچی سے خیبر تک کامیاب مکمل شٹر ڈاؤن ہڑتال جاری ہے، کاشف چوہدری

ویب ڈیسک

28th Aug, 2024. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی سے خیبر تک کامیاب مکمل شٹر ڈاؤن ہڑتال جاری ہے، کاشف چوہدری

انجمن تاجران آل پاکستان کے صدر کاشف چوہدری کا کہنا ہے کہ کراچی سے خیبر تک کامیاب مکمل شٹر ڈاؤن ہڑتال جاری ہے۔

تفصیلات کے مطابق انجمن تاجران آل پاکستان کے صدر کاشف چوہدری نے بول نیوز سے خصوصی گفتگو کرتے ہوئے آج پورا پاکستان بند پڑا ہے۔گاؤں، دیہاتوں اور قصبوں تک ہڑتال ہے۔

کاشف چوہدری نے کہا کہ کامیاب ہڑتال نے ثابت کر دیا ہے مزید ظلم کا نظام نہیں چل سکتا ۔تاجر اب بجلی کے بھاری بل ادا نہیں کر سکتے،بجلی چوری اور مفت خوری کی سزا تاجر برادری نہیں بھگت سکتی۔

انہوں نے کہا کہ تاجر آئی پی پیز کے ظالمانہ معاہدوں کا بوجھ مزید نہیں اٹھا سکتے۔ تاجر دوست اسکیم کا ظالمانہ نظام بھی ہم پر مسلط نہیں کیا جاسکتا۔

صدر انجمن تاجران آل پاکستان کا کہنا تھا کہ ہم حکمرانوں کی عیاشیوں کے لیے ٹیکسز نہیں دے سکتے۔آج کی ہڑتال پاکستان کے تاجروں کے اتحاد اور یکجہتی کا مظہر ہے۔

کاشف چوہدری نے مزید کہا کہ اگر حکمرانوں نے تاجر دوست اسکیم کا نوٹیفکیشن واپس نہ لیا اور بجلی قیمتیں کم نہ کیں تو غیر معینہ مدت کے لیے ہڑتال کی جائے گی۔

انہوں نے کہا کہ پورے پاکستان میں غیر معینہ مدت کے لیے پہیہ جام اور شٹر ڈاؤن ہڑتال کی کال دینے پر مجبور ہوں گے۔