اسلام آباد: ترجمان دفتر خارجہ ممتاز زہرا بلوچ نے کہا ہے کہ غیر ملکی حکومتوں کو پاکستان کے اندرونی معاملات میں مداخلت سے باز رہنا چاہیے۔

دفتر خارجہ کی ترجمان ممتاز زہرا بلوچ نے ہفتہ وار بریفنگ دیتے ہوئے کہا کہ بھارت میں تابکاری مواد کی غیر قانونی چوری میں ملوث گینگ کی گرفتاری پر ردعمل جاری کیا ہے، ہم غیر ملکی حکومت کے ایسے کسی رد عمل کا خیر مقدم نہیں کرتے جو کہ پاکستان کے اندرونی معاملات میں مداخلت ہو،  غیر ملکی حکومتوں کو پاکستان کے اندرونی معاملات میں مداخلت سے باز رہنا چاہیے۔

انہوں نے کہا کہ پاک ترکیہ باہمی سیاسی مشاورت کا 7واں دور گذشتہ ہفتے اسلام ااباد میں منعقد ہوا، فریقین نے پاک ترکیہ اسٹریٹجک فریم ورک کو مستحکم بنانے پر اتفاق کیا۔

ممتاز زہرا بلوچ نے کہا کہ اسرائیلی فوج کے ہاتھوں غزہ میں جاری نسل کشی کا خاتمہ ہونا چاہیے، ہم او آئی سی کے اسرائیلی قابض پالیسی کے حوالے سے تحفظات شیئر کرتے ہیں، اسرائیلی آباد کاروں کے مسجد الاقصی پر حملے کی مذمت کرتے ہیں۔

ترجمان دفتر خارجہ نے کہا کہ بھارتی قابض افواج کے ہاتھوں مقبوضہ کشمیر میں چار کشمیریوں کے قتل عام کی مذمت کرتے ہیں، پاکستان اور بھارت کے درمیان تجارت سر گرمیاں بڑھانے پر کو حج بات چیت نہیں ہوئی۔

انکا کہنا تھا کہ آصف مرچنٹ کے حوالے سے امریکی حکام کی جانب سے معلومات کے انتظار میں ہیں، روس اور یوکرین جنگ پر پاکستان کے تحفظات ہیں، پاکستان روس یوکرین جنگ کا پرامن حل چاہتا ہے۔

ممتاز زہرا بلوچ نے کہا کہ پاکستان بنگلہ دیش کی عوام کے ساتھ نیک خواہشات کا اظہار کرتا ہے جبکہ پاکستان کو غزہ میں انسانی حقوق کی پامالیوں اور میڈل ایسٹ کی موجودہ صورتحال پر تحفظات ہیں، پاکستان خطے میں قیام امن چاہتا ہے۔

انہوں نے کہا کہ پاکستان نے زائرین کے انتظامات کے حوالے سے عراقی جکومت سے مفاہمتی یاداشت پر دستخط کیے ہیں، ہم نے منکی پاکس پر عالمی ادارہ صحت کی ایڈوائزری دیکھی ہے، وزارت قومی صحت ہی اس حوالے سے باقائدہ ردعمل دے سکتی ہے۔

ترجمان نے کہا کہ پاکستان اور افغانستان کے فعال سفارتی مشنز موجود ہیں۔ وزرات خارجہ نے قومی اسمبلی سیکرٹریٹ و سینیٹ سیکرٹریٹ کے حکام کے لیے ویزا گائیڈ لائنز میں تبدیلی کی ہے، یہ اقدامات ویزا پالیسی کے غلط استعمال کی حوصلہ شکنی کے لیے کیے گئے ہیں۔

ممتاز زہرا بلوچ نے مزید کہا کہ پاکستان شنگھائی تعاون تنظیم سربراہان مملکت کونسل کا چیئر ہے، ایس سی او اجلاس میں شرکت کرنے والی حکومتوں کی جانب سے شرکت کی یقین دہانی کا عمل جاری ہے۔