سیکیورٹی فورسز کا شمالی وزیرستان میں آپریشن؛ فتنہ الخوارج کے 3 خوارج جہنم واصل

ویب ڈیسک

16th Aug, 2024. 08:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکیورٹی فورسز کا شمالی وزیرستان میں آپریشن؛ فتنہ الخوارج کے 3 خوارج جہنم واصل

راولپنڈی: سیکیورٹی فورسز نے شمالی وزیرستان کے علاقے رزمک میں انٹیلی جنس بیسڈ آپریشن کرتے ہوئے فتنہ الخوارج کے 3 خوارج کو جہنم واصل کردیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے رزمک میں انٹیلی جنس بیسڈ آپریشن کیا۔

آئی ایس پی آر کا کہنا ہے کہ آپریشن میں فائرنگ کا تبادلہ ہوا جس کے نتیجے میں فتنہ الخوارج کے 3 خوارج جہنم واصل کردیے جب کہ ایک زخمی ہوگیا۔

ترجمان پاک فوج نے بتایا کہ ہلاک خوارج سے اسلحہ اور گولہ بارود بھی برآمد کرلیا گیا، ہلاک دہشت گرد فورسز اور شہریوں کی ٹارگٹ کلنگ میں ملوث تھے۔

آئی ایس پی آر نے مزید کہا کہ علاقے میں خوارج کے خاتمے کے لئے سینیٹائزیشن جاری ہے، فورسز ملک سے خوارج اور دہشت گردی کی لعنت کو ختم کرنے کے لیے پرعزم ہے۔