دفاعی پیداوار کے اداروں کی برآمدات میں اضافے کا پلان طلب

ویب ڈیسک

23rd Aug, 2024. 04:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دفاعی پیداوار کے اداروں کی برآمدات میں اضافے کا پلان طلب

اسلام آباد: سینیٹ کی قائمہ کمیٹی برائے دفاعی پیداوار نے اداروں کی برآمدات میں اضافے کا پلان طلب کرلیا۔

سینیٹ کی قائمہ کمیٹی برائے دفاعی پیداوار کا عبد القادر کی زیر صدارت اجلاس ہوا جس میں وزارت دفاعی پیداوار کے اداروں کے سربراہان نے کمیٹی کو بریفنگ دی۔

وزارت دفاعی پیداوار کی درخواست پر اجلاس ان کیمرہ کردیا گیا جب کہ قائمہ کمیٹی نے دفاعی پیداوار کے اداروں کی برآمدات میں اضافے کا پلان مانگ لیا۔

بریفنگ میں وزارت نے بتایا کہ پاکستان کے دفاع کو ناقابل تسخیر بنانے میں دفاعی پیداوار کے اداروں کا کلیدی کردار ہے۔

بریفنگ میں وزارت دفاعی پیداوار کے ادارے نے ڈی جی ایم پی کے امور اور ذمہ داریوں کے بارے میں بھی کمیٹی کو بریفنگ دی۔

ڈی جی نے بریفنگ میں یہ بھی بتایا کہ ڈائریکٹوریٹ جنرل میونیٹیشن پروڈکشن قومی خزانے پر بوجھ نہیں ڈالتا، یہ ادارہ خود انحصاری اور خود کفالت کی مثال ہے اور ہم مسلح افواج کے گولہ بارود کے حوالے سے تمام ضروریات کو پوری کرتے ہیں۔

کمیٹی نے ادارے کی کارکردگی کو سراہتے ہوئے دفاعی پیداوار کے تمام اداروں کے مختلف عالمی اداروں سے معاہدوں کی تفصیلات مانگ لی ہیں۔