وزیراعلیٰ سندھ کا 30 ہزار طلبہ کو اسکالرشپ دینے کا اعلان
وزیراعلیٰ سندھ سید مراد علی شاہ نے کہا کہ تعلمی میدان میں خواتین کا آگے آنا بہت ضروری ہے۔
وزیراعلیٰ سندھ سید مراد علی شاہ نے عالمی یوم خواندگی کے موقع پر اپنے پیغام میں کہا کہ جہاں مائیں پڑھی لکھی ہوتی ہیں، وہاں بچے منزل پا لیتے ہیں، سندھ حکومت تعلیم و صحت کے حوالے سے ہر طرح کا تعاون کرنے کے لیے ہمیشہ کوشاں رہتی ہے۔
سید مراد علی شاہ نے کہا کہ سندھ حکومت نے تعلیم کے بلند معیار کے لیے ہمیشہ اپنی خاص توجہ مرکوز کی ہے، اور اسکول سے باہر بچوں کواسکول سے منسلک کرنے کے حوالے سے بہترین انتظامات کیے ہیں۔
وزیراعلیٰ سندھ نے کہا کہ مائیکرو اسکول کے قیام سے تین لاکھ سے زائد بچوں کو تعلیمی اداروں کا حصہ بنائیں گے، جبکہ ایک لاکھ ڈیجیٹل اسکول آئندہ دو سال کے اندر قائم کرنے کے عزم کو ضرور پورا کریں گے۔
سید مراد علی شاہ نے کہا کہ جدید دورکے تقاظوں کو مد نظررکھ کر تعلیمی نظام میں جدت لارہے ہیں، بہتر تعلیم ہمارے تمام قومی مسائل کا حل ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
