پی ٹی آئی نے جو بویا وہی کاٹ رہی ہے، مصطفیٰ کمال

ویب ڈیسک

10th Sep, 2024. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی نے جو بویا وہی کاٹ رہی ہے، مصطفیٰ کمال

اسلام آباد: متحدہ قومی موومنٹ (ایم کیو ایم) پاکستان کے رہنما مصطفیٰ کمال نے کہا ہے کہ پی ٹی آئی نے جو بویا وہی کاٹ رہی ہے۔

مصطفیٰ کمال نے وزیراعلیٰ کے پی علی امین گنڈا پور کی تقریر پر سوال اُٹھادیا، انہوں نے قومی اسمبلی میں اظہار خیال کے دوران کہا کہ اتوار کی تقریر پر ہم سے سوال پوچھا جاتا ہے پاکستان مخالف بیان پر پوری پارٹی نے بانی ایم کیوایم کو چھوڑ دیا تھا۔

انہوں نے کہا کہ پی ٹی آئی نے جو بویا وہی کاٹ رہی ہے، آپ جب اقتدار میں تھے تو اوروں کیلئے چور کے علاوہ کوئی لفظ استعمال نہیں کیا۔

مصطفیٰ کمال نے کہا کہ ایم کیوایم رہنما نے کہا کوئی ایک پارٹی ملک کو بحرانوں سے نہیں نکال سکتی۔

ایم کیو ایم کے رہنما کا کہنا تھا کہ کل کے واقعے کی تائید نہیں کرنا چاہتا جو ہورہا ہے وہ ملک کیلئے اچھا نہیں تاہم یہ اتوار کی تقریر کا ردعمل تھا۔

انہوں نے مزید کہا کہ پی ٹی آئی والوں کی گفتگو سے ایسا تاثر ملتا ہے کہ ان کے علاوہ سب غلط ہیں، مل بیٹھ کر مسائل کا حل نکالا جائے۔