الیکشن کمیشن سے تحریک انصاف کو ایک اور بڑا جھٹکا

فہد چوہدری

04th Sep, 2024. 10:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن سے تحریک انصاف کو ایک اور بڑا جھٹکا

اسلام آباد: الیکشن کمیشن آف پاکستان سے تحریک انصاف (پی ٹی آئی) کو ایک اور بڑا جھٹکا مل گیا۔

ذرائع کے مطابق الیکشن کمیشن نے انٹرا پارٹی انتخابات سے متعلق پاکستان تحریک انصاف کی چار متفرق درخواستیں مسترد کردیں جبکہ پی ٹی آئی کے الیکشن کمیشن کے دائرہ اختیار کو چیلنج کرنے کی درخواست بھی مسترد کردی گئیں۔

الیکشن کمیشن نے اپنے فیصلے میں کہا کہ الیکشن ایکٹ اور رولز کے تحت الیکشن کمیشن سیاسی جماعتوں کے انٹرا پارٹی الیکشنز کی چھان بین کر سکتا ہے، سپریم کورٹ نے اپنے فیصلے میں الیکشن کمیشن کے دائرہ اختیار کو تسلیم کر رکھا ہے۔

ذرائع نے بتایا کہ الیکشن کمیشن نے مخصوص نشستوں کے تفصیلی فیصلے تک کیس التوا کرنے کی درخواست بھی مسترد کر دی۔

فیصلے میں کہا گیا کہ تحریک انصاف کے حالیہ انٹرا پارٹی انتخابات کا سپریم کورٹ کے تفصیلی فیصلے سے کوئی تعلق نہیں، پی ٹی آئی کے انٹرا پارٹی انتخابات پر اعتراض دور کیے بغیر سرٹیفکیٹ جاری نہیں کیا جا سکتا، تحریک انصاف الیکشن کمیشن کے نوٹس کا تحریری جواب دے۔

واضح رہے کہ الیکشن کمیشن نے پی ٹی آئی کے انٹرا پارٹی انتخابات سے متعلق چاروں درخواستوں پر فیصلہ محفوظ کرتے ہوئے سماعت 18 ستمبر تک ملتوی کی تھی۔