ملک بھر میں آج سے 7 روزہ انسداد پولیو مہم کا آغاز

ویب ڈیسک

09th Sep, 2024. 10:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھر میں آج سے 7 روزہ انسداد پولیو مہم کا آغاز

ملک بھر میں آج سے 7 روزہ انسداد پولیو مہم شروع ہورہی ہے۔

رپورٹ کے مطابق مہم کے دوران ملک بھر میں 5 سال سے کم عمر 3 کروڑ بچوں کو پولیو سے بچاؤ کے قطرے پلائے جائیں گے۔

پولیو مہم کے لیے 9 سے 15 ستمبر تک 2 لاکھ 86 ہزار پولیو ورکرز گھر گھر جا کر پولیو سے بچاؤ کے قطرے پلائیں گے۔

گزشتہ روز خصوصی مہم کے افتتاح کے موقع پر وزیر اعظم شہباز شریف نے اپنے خطاب میں کہا تھا کہ آج ہم نے انسداد پولیو مہم کا آغاز کیا ہے، قابل ٹیم کی نگرانی میں انسداد پولیو مہم شروع ہو رہی ہے۔

انہوں نے کہا کہ ہمارے پولیو ورکرز کا پورے ملک میں جال بچھا ہوا ہے، یقین ہے کہ اجتماعی کوششوں سے ملک کو پولیو سےپاک کریں گے، انسداد پولیو کے لیے بین الاقوامی شراکت داروں کے تعاون پر مشکور ہیں۔

ان کا کہنا تھا کہ ہم نے یقینی بنانا ہے کہ ملک میں پولیو کا کوئی بھی مریض نہ ہو، پولیو کا خاتمہ جلد ہوگا، خصوصی انسداد پولیو مہم کا ایک مؤثر نتیجہ نکلے گا۔

وزیر اعظم شہباز شریف نے مزید کہا تھا کہ مہم کے دوران قانون نافذ کرنے والے اداروں کا کردار بھی قابل تعریف ہے۔