میانوالی: قبول خیل چیک پوسٹ پر دہشتگردوں کی حملے کی بزدلانہ کوشش ناکام

ویب ڈیسک

02nd Sep, 2024. 10:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میانوالی: قبول خیل چیک پوسٹ پر دہشتگردوں کی حملے کی بزدلانہ کوشش ناکام

میانوالی میں قبول خیل چیک پوسٹ پر دہشت گردوں کی بزدلانہ حملے کی ایک اور کوشش ناکام بنادی گئی ہے۔

پولیس ترجمان کے مطابق میانوالی کے قبول خیل پولیس چیک پوسٹ پر رات گئے خوارج کے دہشت گردوں نے راکٹ لانچرز اور ہینڈ گرنیڈ سے حملہ کیا۔

پنجاب پولیس نے ایک بار پھر بھرپور قوت سے جواب دیتے ہوئے دہشت گردوں کا حملہ ناکام بنا دیا جبکہ دہشت گرد حملے کے بعد فرار ہوگئے۔

پولیس ترجمان کے مطابق حملے میں 2 پولیس جوان معمولی زخمی ہوئے ہیں جبکہ مفرور دہشت گردوں کی گرفتاری کے لیےعلاقے میں سرچ آپریشن شروع کردیا گیا ہے۔

دوسری جانب آر پی او سرگودھا ریجن محمد شہزاد آصف خان چیک پوسٹ قبول خیل پہنچ گئے، ڈی پی او میانوالی اختر فاروق بھی انکے ہمراہ موجود ہیں۔

ترجمان میانوالی پولیس نے بتایا کہ شہزاد آصف خان نے حملہ ناکام بنانے والے بہادر جوانوں سے ملاقات کی اور انکی بہادری کو سراہا۔

چیک پوسٹ پر حملے میں ہونے والے نقصان کا تفصیلی جائزہ لیا گیا اور ڈی پی او میانوالی اختر فاروق نے حملہ کے متعلق تفصیلی بریفنگ دی۔

بریفنگ میں بتایا گیا کہ دہشتگردوں نے راکٹ لانچرز، ہینڈ گرنیڈ سمیت جدید اسلحہ سے اچانک حملہ کیا، تاہم پولیس کے بہادر جوانوں نے ان کا بزدلانہ حملہ ناکام بنایا۔