بلاول بھٹو زرداری نے کہا کہ رحیم یار خان کی عوام کا شکریہ، انہوں نے پاکستان پیپلز پارٹی کی قیادت پراعتماد کیا۔

پی پی پی چیئرمین بلاول بھٹو زرداری نے این اے 171 کے ضمنی انتخاب میں پارٹی امیدوار کی کامیابی پرعوام سے اظہار تشکرکیا، اور مخدوم طاہر رشیدالدین کوشاندار کامیابی پر مبارکباد اور حلقہ کے جیالوں کو شاباش دی۔

بلاول بھٹو زرداری نے کہا کہ یہ فتح پی پی پی کے ترقی پسند، شمولیتی اور جمہوری پاکستان کے ویژن پرعوام کے اعتماد کا اظہار ہے، مَخدوم طاہر رشیدالدین کی کامیابی صرف پارٹی کی جیت نہیں بلکہ رحیم یار خان کے عوام کی فتح ہے۔

بلاول بھٹو زرداری نے کہا کہ رحیم یار خان کے ان لوگوں کی فتح ہے، جنہوں نے پسماندگی پر ترقی اور کھوکھلے وعدوں پر حقیقی خدمت کو ترجیح دی، جبکہ پیپلز پارٹی ووٹرز کی فلاح و بہبود کے لیے کام جاری رکھے گی۔

 بلاول بھٹو زردای نے کہا کہ یہ مینڈیٹ یاد دلاتا ہے کہ ہمیں ایمانداری، دیانتداری اورشفافیت کے ساتھ عوام کی خدمت کرنی ہے، پیپلز پارٹی ایک خوشحال اور متحد پاکستان کی جدوجہد جاری رکھے گی۔

 بلاول بھٹو زرداری نے یہ بھی کہا کہ ہم اپنے وطن کو ایک ایسا ملک بنائیں گے، جہاں ہر شہری کو انصاف، مواقع اور وقار تک رسائی حاصل ہو۔