تحریک انصاف کا کل ہر صورت لاہور میں جلسہ کرنے کا فیصلہ

ویب ڈیسک

20th Sep, 2024. 11:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک انصاف کا کل ہر صورت لاہور میں جلسہ کرنے کا فیصلہ

تحریک انصاف نے کل ہر صورت لاہور میں جلسہ کرنے کا فیصلہ کرلیا۔

ذرائع کے مطابق لاہور جلسہ سے متعلق سلمان اکرم راجہ کی زیر صدارت تحریک انصاف کا اہم مشاورتی اجلاس ہوا۔

ذرائع کا کہنا ہے کہ اجلاس میں تحریک انصاف نے کل ہر صورت لاہور میں جلسہ کرنے کا فیصلہ کرتے ہوئے جلسے سے متعلق حکمت عملی بنالی۔

ذرائع کا کہنا ہے کہ تحریک انصاف کل پرامن جلسہ کرے گی۔کارکنان کو ہدایت جاری کردی گئی کہ مختلف شہروں سے آنے والے قافلوں کو جہاں بھی روکا جائے وہیں جلسہ شروع کر دیں۔

ذرائع کا کہنا ہے کہ کارکنان کو پولیس کے سامنے پرامن رہنے کی ہدایت کی گئی ہے۔

تحریک انصاف کی قیادت کو کارکنان کی گاڑی کی ہمراہ ساؤنڈ سسٹم اور لائٹنگ سسٹم لانے کی ہدایت بھی کی گئی ہے۔

ذرائع کا کہنا ہے کہ مینار پاکستان کے بجائے شہر سے باہر جلسے کی اجازت ملنے کی صورت میں بھی حکمت عملی بنا لی گئی۔مینار پاکستان میں جلسے کا اسٹیج یا کنٹینر نہ لگانے دیا گیا تو موبائل جلسہ کیا جائے گا۔