توشہ خانہ تحائف کی مالیت کا تعین، کابینہ ڈویژن نے بولیاں طلب کر لیں

فہد

22nd Sep, 2024. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

توشہ خانہ تحائف کی مالیت کا تعین، کابینہ ڈویژن نے بولیاں طلب کر لیں

توشہ خانہ تحائف کی مالیت کے تعین کے لئے کابینہ ڈویژن نے بولیاں طلب کر لیں۔

کابینہ ڈویژن کے مطابق جیولری، گھڑیوں، کارپٹس، سجاوٹی اشیا سمیت دیگر تحائف کی قیمتوں کا تعین کیا جائے گا، جبکہ بولی میں حصہ لینے کے لئےدرخواستیں 30ستمبر تک طلب کی گئی ہیں۔

کابینہ ڈویژن نے بتایا کہ بولی میں حصہ لینے والوں کو مختلف کیٹیگریوں کے لئے پیپرا رولز کے تحت پرکھا جائے گا، ایف بی آر کے متعین کردہ ویلیو کی مطابقت میں تحائف کا تعین کرنے والوں کو بالترتیب دس، پندرہ اور بیس ہزار ادا کیا جائے گا، تخمینہ کار تین دنوں میں تحائف کی قیمتوں کے تعین کے حوالے سے رپورٹ کابینہ ڈویژن میں جمع کرائیں گے۔

کابینہ ڈویژن کے مطابق رپورٹ جمع کرانے میں تاخیر کی صورت میں یومیہ معاوضے کا ایک فیصد جرمانہ عائد ہو گا، جبکہ سیکشن آفیسر توشہ خانہ کامیاب تخمینہ کار سے ایک سال کا معاہدہ کرے گا، کابینہ ڈویژن کامیاب تخمینہ کار کے ساتھ دو ہفتوں کے نوٹس کے ذریعے معاہدہ کی تنسیخ کا مجاز ہو گا۔