اسلام آباد: پاکستان نے اسلامک ٹریڈ فنانس کارپوریشن، آئی ڈی بی اور ایس سی بینک سے 1.75 ارب ڈالر قرض کی درخواست کر دی۔

ذرائع کے مطابق آئی ٹی ایف سی، آئی ڈی بی اور ایس سی بینک سے کموڈیٹی اور کمرشل قرض حصول کیلئے درخواست کی گئی ہے، اسلامک ٹریڈ فنانس کارپوریشن سے 40 کروڑ ڈالر قرض کموڈیٹی خریداری کیلئے لیا جائے گا۔

ذرائع کا کہنا ہے کہ اسلامک ڈویلپمنٹ بینک سے 35 کروڑ ڈالر پراجیکٹ فنانسنگ کیلئے درخواست کی گئی ہے، اسٹینڈرڈ چارٹرڈ سے 1 ارب ڈالر کیلئے انفراسٹکچر ڈویلپمنٹ و دیگر سورسز کی مد میں قرض لیا جائے گا۔

ان کمرشل بینکوں سے قرض لانگ ٹرم کیلئے تقریباً 5 فیصد شرح سود پر لیا جا سکتا ہے، آئی ایم ایف کے ساتھ قرض منظوری کیلئے کمرشل بینکوں سے زیادہ شرح سود پر قرض لیا جائے گا ۔

وزارت خزانہ کے ذرائع نے بتایا کہ وزارت خزانہ حکام تینوں بینکوں سے قرض لینے کیلئے رابطے میں ہیں جبکہ سعودی عرب کے ساتھ مؤخر ادائیگیوں پر آئل فیسلیٹی کیلئے بھی کوشیشں جاری ہیں۔

ذرائع کا مزید کہنا ہے کہ سعودی عرب کے ساتھ ادھار تیل کی سہولت حاصل کرنے کیلئے معاہدہ تعطل کا شکار ہے، وزارت خزانہ فنانسنگ گیپ پورا کرنے کیلئے چار سورسز سے ارینجمنٹ کیلئے کوششں کر رہی ہے۔