دنیا ترقی کی نئی راہیں تلاش کر رہی ہے اور ہم پولیو سے نجات حاصل نہیں کرسکے، وزیراعلیٰ سندھ

ویب ڈیسک

28th Sep, 2024. 02:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا ترقی کی نئی راہیں تلاش کر رہی ہے اور ہم پولیو سے نجات حاصل نہیں کرسکے، وزیراعلیٰ سندھ

وزیراعلیٰ سندھ سید مراد علی شاہ نے کہا ہے کہ دنیا ترقی کی نئی راہیں تلاش کر رہی ہے اور ہم پولیو سے نجات حاصل نہیں کرسکے۔

سید مراد علی شاہ نے حیدرآباد میں پولیو کیس کا نوٹس لے لیا اور محکمہ صحت کو ہدایت جاری کی کہ پولیو کیس کی انکوائری رپورٹ فراہم کی جائے۔

انہوں نے کہا کہ ہمیں متحد ہو کر اپاہج کرنے والے مرض پولیو کا خاتمہ کرنا ہوگا، جب کبھی نیا پولیو کیس ظاہر ہوتا ہے تو شدید تکلیف ہوتی ہے۔

ان کا کہنا تھا کہ دنیا ترقی کی نئی راہیں تلاش کر رہی ہے اور ہم پولیو سے نجات حاصل نہیں کرسکے، والدین اپنے بچوں کو رضاکارانہ طور پر پولیو کے قطرے لازمی پلائیں۔

وزیراعلیٰ سندھ نے کہا کہ حکومت کی انسداد پولیو مہم کے دوراں اپنے بچوں کو قطرے پلائیں اور اپاہج ہونے سے بچائیں، والدین خود بھی بچوں کی نشونما، صحت اور ان کی تعلیم میں کردار ادا کریں۔

سید مراد علی شاہ کا کہنا تھا کہ محکمہ صحت پولیو کی خصوصی مہم شروع کرے، انسداد پولیو کی گھر گھر مہم کو مزید مؤثر بنائیں۔