آرمی چیف سے روسی نائب وزیردفاع کی ملاقات؛ دفاعی تعاون بڑھانے پر تبادلہ خیال

ویب ڈیسک

29th Oct, 2024. 07:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی چیف سے روسی نائب وزیردفاع کی ملاقات؛ دفاعی تعاون بڑھانے پر تبادلہ خیال

راولپنڈی: آرمی چیف جنرل عاصم منیر سے روسی نائب وزیردفاع ایکسیلینسی کرنل جنرل الیگزینڈر وی فومین نے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق ایکسیلینسی کرنل جنرل الیگزینڈر وی فومین، روسی فیڈریشن کے نائب وزیر دفاع نے آرمی چیف جنرل عاصم منیر سے ملاقات کی۔

آئی ایس پی آر کا کہنا ہے کہ ملاقات میں علاقائی سلامتی امور پر بات چیت ہوئی جب کہ باہمی دلچسپی کے امور بشمول دو طرفہ دفاعی اور سیکورٹی تعاون بڑھانے پر تبادلہ خیال کیا گیا۔

ترجمان پاک فوج کا کہنا تھا کہ علاوہ ازیں ملاقات میں علاقائی سلامتی صورت حال اور دفاعی تعاون بڑھانے پر بھی تبادلہ خیال کیا گیا۔

ترجمان پاک فوج کے مطابق آرمی چیف نے روس کے ساتھ روایتی دفاعی تعلقات کو مضبوط بنانے کے لیے پاکستان کے عزم کا اعادہ کیا۔

آئی ایس پی آر نے کہا کہ دونوں اطراف مختلف سیکیورٹی اور دفاعی شعبوں میں تعاون کو فروغ دینے کے عزم کا اعادہ کیا گیا جب کہ کرنل جنرل فومین نے دہشت گردی کے خلاف جنگ میں پاک فوج کی کامیابیوں کو سراہا۔

پاک فوج کے شعبہ تعلقات عامہ کا مزید کہنا تھا کہ ملاقات میں انتہا پسندی کے خلاف عالمی برادری کے درمیان متحد اور تعاون پر مبنی نقطہ نظر کی اہمیت کو بھی اجاگر کیا گیا ہے۔